Sciant presentes et futuri quod ego Ricardus de Othulvesho concessi dedi et hac mea presenti carta confirmavi Petro filio meo pro homagio et servicio suo unam acram terre cum pertinentiis suis scilicet cum viis sepibus fossatis cum libero introitu et exitu et omnibus aliis pertinentiis ad dictam terram pertinentibus tam non nominatis quam nominatis que quidem acra iacet in campo vocato Oldefeld[] apud Lachemere inter terram hospitaliorum de Mapeltrestede et viam que ducit de Halstede versus Clare et unam aliam acram terre cum suis omnibus pertinentiis que iacet inter terram domini Gilberti de Dyne et terram dicti Petri et abuttat ad unum capud super Crepelestrete habendas et tenendas de me et de heredibus meis sibi et heredibus suis vel suis assignatis vel cuicumque et quandocumque et in quocumque statu sit sive sit sanus sive sit eger dictas duas acras terre cum suis predictis pertinentiis dare vendere legare vel assignare voluerit libere quiete bene et in pace imperpetuum reddendo inde annuatim capitalibus dominis dictarum terrarum debita servicia et consueta pro me et heredibus meis et michi et heredibus meis tria grana piperis ad Natale Domini pro omnibus serviciis consuetudinibus demandis auxiliis et sectis curiarum salvo servicio domini regis cum scutagium evenerit unum quadrantem ad plus et ad minus Et ego et heredes mei warantizabimus acquietabimus et defendemus dictas duas acras cum suis predictis pertinentiis omnibus predicto Petro et heredibus suis vel suis assignatis vel cuicumque et quandocumque et in quocumque statu sit sive sit sanus sive sit eger dictas duas acras terre cum sepedictis pertinentiis omnibus dare vendere vel aliquomodo assignare voluerit libere quiete bene et in pace per predictum servicium contra omnes gentes imperpetuum Et ut hec mea concessio donacio et presentis carte mee confirmacio perhennem in se stabilitatem possideant presens scriptum sigilli mei impressione roboravi Hiis testibus domino Hugone filio Othonis domino Gilberto de Dyne Hugone filio Rogeri Roberto de Chelmeshoo Willelmo de Leffeldewelle Nicholao de Cruce Thoma filio Willelmi Nicholao clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.