Noverint universi quod ego Thomas atte Portweye de parva Mapeltrestede concessi remisi et omnino in perpetuum quietum clamavi Henrico Toterych de Halstede heredibus et assignatis suis totum [ius] et clameum quod habeo habui vel aliquo modo habere potui seu potero in toto illo cotagio cum pertinentiis quod quondam coniunctim habuimus ex dono et feoffamento Katerine quondam uxoris Iohannis Helewys quod quidem cotagium iacet in Mapeltrestede predicta inter mesuagium Willelmi Shorthose ex parte una et mesuagium quondam Iohannis atte Remete ex parte altera unde unum capud abuttat super terram quondam Iohannis atte Remete et aliud capud super regiam viam ducentem de Mapeltrestede versus Pebenerssh sicut sepibus et fossatis includitur et certe mete et bunde testantur ita quod nec ego predictus Thomas nec heredes mei nec aliquis per me seu nomine meo quicquam iuris vel clamii in predicto cotagio cum pertinentiis de cetero exigere seu vendicare poterimus infuturum sed ab omni accione iuris scimus exclusi per hoc scriptum In cuius rei testimonium huic presenti scripto sigillum meum apposui Hiis testibus Thoma Hereward Waltero Panymere Roberto Colyn Willelmo Geg Willelmo Shorthose et aliis Datum apud Mapeltrestede predictam die dominica proxima post festum concepcionis beate Marie virginis anno regni regis Edwardi tercii post conquestum tricesimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.