Sciant presentes et futuri quod ego Rogerus de Othulvesho dedi et concessi et hac presenti carta mea confirmavi Petro de Othulvesho pro homagio et servicio suo et pro decem solidis sterlingorum quos michi dedit in gersumam unam peciam terre mee iacentem in campo vocato Hasfeud[] cum liberis introitibus et exitibus unde unum capud abuttat versus crucem positam pro matre mea et aliud capud versus cruftam Willelmi Lundrays et iacet in latitudine inter terram meam et stratam versus Hausted[] habendam et tenendam de me et heredibus meis vel de meis assignatis sibi et heredibus suis vel suis assignatis vel cuicumque et quandocumque et quibuscumque et in quocumque statu sit sive sit sanus sive sit eger predictam terram dare legare vendere vel aliquo modo assignare voluerit et quando voluerit preter domui religiose et Iudaismis libere quiete bene et in pace et hereditarie reddendo inde annuatim quatuor denarios ad duos anni terminos michi et heredibus meis vel meis assignatis scilicet ad Pascha duos denarios et ad festum sancti Michaelis duos denarios pro omnibus serviciis auxiliis consuetudinibus et secularibus demandis et sectis curiarum Et ego predictus Rogerus et heredes mei vel mei assignati et eorum heredes warantizabimus defendemus et acquietabimus predictam peciam terre cum suis omnibus pertinentiis predicto Petro et heredibus suis vel suis assignatis vel cuicumque et quandocumque et quibuscumque et in quocumque statu sit sive sit sanus sive sit eger predictam terram dare legare vendere vel aliquo modo assignare preter domui religionis et Iudaismis per predictum servicium contra omnes Christianos et Iudeos imperpetuum Et ut hec mea donacio et concessio et carte mee confirmacio perhennem in se stabilitatem possideant hanc presens scriptum sigilli mei impressione corroboravi Hiis testibus Roberto de Chelmeshoo Waltero Morell[] Ricardo de Othulvesho Willelmo de Leffeldewelle Nicholao de Cruce Nicholao clerico Hugone filio Rogeri Waltero carpentario et aliis multis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.