Omnibus Christi fidelibus presens scriptum visuris vel audituris Thomas filius Othonis miles salutem in Domino Noveritis me concessisse et presenti scripto confirmasse Deo et beate Marie sancto Iohanni Baptiste et fratri Rogero [de] Ver priori hospitalis sancti Iohannis Ierusalem in Anglia et fratribus et precipue magistro hospitalis de Mapeltrestede et fratribus ibidem Deo servientibus et commorantibus pro anima mea et animabus antecessorum et successorum meorum omnes illas terras possessiones et tenementa que habuerunt de dono Simonis de Oddewell de feodo meo quod de me tenuit apud Oddewelle [in] Gestingthorpe sicut includuntur sepibus et fossis habend et tenend sibi et successoribus suis cum viis semitis pasturis pascuis pratis exitibus et omnibus aliis pertinentiis liberas et quietas ab omni servicio scutagio auxilio taillagio et omnimodo secta curie et omni annuo redditu relevio warda herietta homagio et omni seculari demanda in puram et perpetuam elemosinam adeo libere sicut aliqua elemosina liberius potest concedi viris religiosis vel in perpetua elemosina quietam clamari ita quod ego nec heredes mei nec aliquis nomine nostro in dictis tenementis possessionibus redditibus sectis curiarum wardis releviis escaetis homagiis scutagiis nichil clamei de cetero exigere poterimus vel clamare Et ut presens scriptum perpetuam habeat firmitatem eidem sigillum meum apposui Datum apud Chelmesford anno regni regis Henrici filii regis Iohannis quinquagesimo sexto Hiis testibus domino Laurencio de Scaccario domino Henrico de Codham Radulpho filio Willelmi Reginaldo de Selverleye Ricardo de Calkeston Iohanne Baroun Willelmo le botiler magistro Henrico de Nutley Willelmo clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.