Sciant presentes et futuri quod ego frater Henricus Corevale miles concessi et dimisi et hac presenti carta mea confirmavi Iohanni colpepir et Iohanni Godefray clerico heredibus et assignatis suis unam peciam terre cum pertinentiis iacentis apud West Pekham exopposito portam manerii prioris sancti Iohannis de Ierusalem in Anglia que quedem pecia terre ducit in longitudine ad quendam forestam iuxta mesuagium Thome Walteres versus orientem et terram Willelmi Beauchamp[] militis versus borialem prout mete et bunde dividunt et demonstrant habendam et tenedam predictam peciam terre cum suis pertinentiis predictis Iohanni colpepir et Iohanni Godfray heredibus et assignatis suis reddendo inde per annum prefato Henrico et successoribus suis duos solidos argenti videlicet ad festa sancti Michaelis archangeli et Pasche per equales porciones Et si predictus redditus aretro fuerit in parte vel in toto non solutus ad aliquem terminum predictum quod tunc bene licebit prefato Henrico et successoribus suis in predicta pecia terre distringere et districciones sic captas abducere et penes se retinere quousque de predicto redditu una cum arreragiis eiusdem si que fuerit plenarie fuerit satisfactum Et si sufficiens districtio in predicta pecia terre inveniri non poterit que extunc bene licebit predicto Henrico et successoribus suis tam in predicta pecia terre quam in omnibus terris et tenementis eiusdem Iohannis colpepir scituatis infra West Pekham predictam distringere et districciones sic captas abducere et penes se retinere quousque de predicto redditu una cum arreragiis eiusdem sique fuerit plenarie fuerit satisfactum In cuius rei testimonium partes predicte presentibus cartis identatis sigilla sua alternatim apposuerunt Datum apud West Pekham predictam vicesimo die novembris anno regni regis Henrici quarti post conquestum Anglie undecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.