Uniuersis presentes litteras inspecturis H permissione diuina episcopus Eliensis salutem in auctore salutis Uniuersitati uestre tenore presencium notum fiat quod nos attendentes feruorem religionis monachorum deo seruiencium in abbatia de Egnesham Lincolniensis diocesis et hospitalitatis frequenciam loci eiusdem necnon dampnorum inmensitatem que nuper hostili turbine in regno Anglie habito incurrerunt proque eisdem condolentes affectu ecclesiam sancte Etheldrede de Hystone nostre diocesis uacantem in qua ipsi ius patronatus optinere noscuntur eisdem karitatis intuitu pontificali auctoritate duximus in usus proprios assignandam salua porcione competenti taxanda et assignanda uicario perpetuo ministraturo in eadem ecclesia et nobis ac successoribis nostris de plebis cura eiusdem ecclesie responsuro saluis etiam dignitate et iure ecclesie Elyensis In cuius [etc] Dat[] apud Histone in festo Exaltationis sancte Crucis anno domini m cc lx octauo pontificatus uero nostri anno undecimo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.