Inquisicio capta apud Brehull die Iouis proximo post festum sancti Gregorii pape anno regni regis H filii Iohannis quinquagesimo coram Hugone de Goldyngham tunc senescallo etc de foresta de Bernewode per sacramentum Walteri de Uptone Iohannis de Grendone viridariorum et Bartholomei le Venor Iohannis Pydington Willelmi de Boys Iohannis Resson et omnium regardatorum et agistatorum foreste domini regis Qui dicunt per sacramentum suum quod predictus Iohannes filius Nigelli tenet de rege unam hidam terre arabilis etc per manus senescalli foreste inter pontem Oxonie et Staunford qui pro tempore fuerit videlicet pro proficuis senescalli de eadem balliva que ad ipsum regem debent pertinere exceptis indictacionibus si que fuerint scilicet de viridi et venacione Et dicunt eciam quod Willelmus filius Nigelli pater predicti Iohannis per cartam feoffamenti adquisiuit sibi et heredibus suis de Fulcone de Lusurz et Willelmo de Lusurz predictam terram et balliuam de Bernewode reddendo eis et heredibus eorum eandem firmam predictorum x solidorum et pro foresta predicta xl sol qui quidem Fulco et Willelmus de Lusurz nullum ius habuerunt in predicta terra nec balliua quia predictus Willelmus filius Nigelli et antecessores sui tenuerunt dictam terram et balliuam de domino rege ante tempus conquestus Anglie per unum cornu que est carta predicte foreste et redditum pro terra predicta x sol et pro foresta predicta xl sol ut superius dicitur Et dicunt eciam quod predictus Iohannes filius Nigelli et antecessores sui a tempore quo non extat memoria solebant habere in bosco domini regis housebote et haybote cum omnibus feodis forestariorum pertinentibus secundum assisam foreste

Source Fulltext: The Boarstall Cartulary. Rev. H.E. Salter. Oxford Historical Society, V.88. Oxford Historical Society. Clarendon Press. Oxford. 1930.