Nos Heinricus dei gracia Romanorum rex semper augustus. Ad universorum sacri Romani imperii fidelium notitiam volumus pervenire, quod pio devotionis zelo [quo] sacrum ordinem cisterciensem complectimur favorabiliter inducti, honorabiles et religiosos viros abbatem et conventum monasterii in Brumbach, ordinis predicti, Herbipolensis diócesis, devotos nostros dilectos, ut altissimo famulari possint commodius et pro nostra salute re- demptorem nostrum exorare iugiter delectentur, ac ipsum monasterium cum omnibus homi- nibus et bonis suis, in nostram et imperii protectionem recipimus specialem. Universis nostris officialibus et fidelibus imperii firmiter inhibentes, ne abbati et conventui predictis contra protectionis nostre tenorem, et specialiter contra gratiam a sanctissimo in christo pâtre et domino, domino Benedicto papa undécimo ipsis factam, videlicet quod possessiones et alia bona mobilia et immobilia, que liberas personas fratrum suorum, mundi relicta va- nitate ad monasterium ipsorum convolantium et professionem facientium, in eodem iure successionis vel alio iusto titulo, si remansissent in seculo, contigissent, et que ipsi exi stentes in seculo potuissent eisdem libere erogare, impetere valeant, recipere ac eciam tenere sine iuris preiudicio alieni, in bonis suis gravamen aliquod inférant vel impedimen- tum de cetero prebeant quoquo modo, presentium testimonio literarum.

Datum in Spira, nono kal. septembris, anno domini millesimo trecentesimo nono, regni vero nostri anno primo. ■

Aus Kremer Chron. Scboenthal. hs. zu Stuttgart s. 499. — Reg. Henr. nr. 141, wonach eine andere copie sept. 22 ergibt.