Wir Ludowig von gottes gnaden Romischer kaiser ze allen ziten merer des richs. Enbieten den || wisen luten . . dem schultheizzen . . dem burgermaister . . dem rat und den burgern gemainlich zu j Hagenowe, unsern lieben getriwen, unser hulde und alles gut. Uns ist ze wizzenne getan, daz l| ir den edeln man Ludewigen von Liethenberg von der luden wegen angriffen wellent: lazzen wir iuch wizzen daz er unser diener worden ist, und uns endelichen und nützlichen dienet und [ouch] dienen wil. Da von bitten wir iuch vlizzecli- chen mit gantzem ernst, daz ir in zu [disen ziten] von der luden wegen nicht angriffent, noch in mit kainen sachen laidigent, noch [beswerent], ir sint vor zu uns konien, [daz wollen] wir nicht geraten und tund uns sunder liebe daran.

Der brief ist geben ze Wimphen, des mantags vor dem uffarttag, in dem zwei und zwainzstem iare unsers richs, und in dem nundem des kaisertumes.

Den wisen luten . . dem schultheizzen . . dem burgermaister . . dem rat und den burgern gemainlichen ze Hagenowe unsern getrewen.

Aus dem orig. zu Darmstadt. Sehr verblasst und mürbe, so dass die eingeklammerten worte unsicher zu lesen sind. War auf der rückseite durch das kleine siegel in rothem wachs verschlossen. — Reg. Lud. nr. 3374. — Vgl. oben nr. 766.