Wir Karl von gots gnaden Romischer keiser zu allen zeiten merer des reichs und kunig zu Beheim. Veriehen offenlich niit disem briefe, wenne daz ist, daz der edel graf Ulrich von Helfenstein der alter, unsir lieber getrewer, gelost hat mit unsir gunst und gutem willen den Stadelhof zu Ulme gelegen, der dem reiche zugehiirt, umb zweihundert

Bahmer Acta tmp. 37

578 KARL IV. 1356 OCT. 17.

pfunt guter haller, der von uns und unsern vorvarn an dem reiche versetzt was dem vesten manne Fridrichen von Rietheim und seinen erben umb die vorgenanten zwei hundert pfunt haller, haben wir angesehen die getrewen dienste, die derselbe von Ilelfenstein uns und dem heiligen reiche lange zeit getan hat und in künftigen zeiten tun sol, geben wir im und seinen erben hundert mark silbers Ezzlinger gewichte von unsern kaiserlichen gnaden.zu haben uf demselben Stadelhofe mit den zweihundert pfunden haller, also daz er den Sta delhof inne haben sol und niezzen, besucht und unbesucht, mit allen rechten und nützen, die darzu und darinne gehörent, keine nütze abzuslahen, die wir im umb seine dienst geben haben, bis das wir oder unsser nachkomen an dem reiche umb in oder sein erben den vor genanten hof ledigen und gelösen umb die hundert mark silbers und zwei hundert pfunt haller. Daz zu Urkunde geben wir im disen brief versigelten mit unsirm keiserlichen insigel.

Der geben ist zu Sultzbach, do man zalte nach Christez geburd dreutzenhundert iar, darnach in dem sechs und fünfzigsten iare, des nahsten mantags noch sand Gallentag, unsir reiche in dem eyleftem, und des kaisertums in dem andern iare.

Roth т. Schreckenstein aus dem orig. im archive der Stadt Ulm. Siegel fehlt.