DCXCV.

Episcopo Ariminensi et Romandiolac rectori, ut Ferra- rienses et marchiones Estenses ad obedientiam ecclesiae redeuntes, prius ab eis civitate Ferrariensi cum castris etc. receptis, a censuris ecclesiasticis ahsolvere possint. Reg. An. VI. Secret. ep. 573. fol. 136.

Iohannes episcopus etc. Venerabili fratri Epo Ariminensi et dilecto filio Aymerico de Castrolucii provincie Romandiole Rectori, salutem etc. Dudum propter dampnande rebellionis audaciam non sine multa temeritate presumpte, et graves culpas et enormes excessus per Commune Ferrariense ac Raynaldum et Opizonem, qui se dicunt Marchiones Estenses, dilecti filii nobilis viri Aldebrandini Mar- chionis Estensis natos, contra nos et ecclesiam Ro- manam commissos, necnon et adversus complices, sequaces, valitores, adiutores et fautores ipsorum, seu quomodolibet adherentes aut prestantes eisdem auxilium, consilium vel favorem directe vel indire- cte, publice vel occulte in rebellione predicta, cu- iuscumque conditionis, status, preminencie vel di- gnitatis existerent, etiam si patriarchali vel maiori, seu Regali vel quavis dignitate alia preminerent, di- versos processus habuimus, excommunicationis et interdicti et alias spirituales et temporales penas et sentencias continentes. Et licet Commune, Ray- naldus et Opizo supradicti propter rebellionem, culpas et excessus predictos indignacionem nostram et eiusdem ecclesie contra se merito provocarint: Nos tamen conversionem et salutem ipsorum pa- ternis affectibus cupientes, vobis damus per alias nostras litteras in mandatis, ut vos vel alter vestrum cum alio fideli, sufficienti et ydoneo ab alio ex vo- bis deputando, qui ad hec exequenda forsan inter- esse non posset, dictos Commune, Raynaldum et Opizonem(?), si forsan ille, qui ubi vult spirat, mor- temque non desiderat peccatorum, sed ut convertan- tur et vivant, adeo corda illorum tetigerit, quod ad viam iusticie velint invio dimisso redire, ac nostris et ecclesie Romane parere mandatis in spiritu hu- militatis se offerent, Civitatem nostram Ferrarien- sem, maiora palacia Civitatis ipsius, castra, fortel- licia et alia loca territorii et districtus Civitatis eiusdem cum iuribus et pertinenciis suis vobis vel

alteri vestrum, ac deputando predicto nomine nostro et eiusdem ecclesie restituendo realiter cum effectu ad huiusmodi mandata, dictamque Civitatem, pala- cia, castra, fortellicia et loca nomine supradicto reci- pere, et eadem Civitatem, palacia, castra, fortelli- cia et loca cum iuribus et pertinenciis supradictis restituenda nobis per eos eodem nomine gubernare, et etiam custodire, donec super hiis aliud duxeri- mus ordinandum, cum diligencia studeatis, ab eis de parendo super rebellione, culpis et excessibus supradictis iuxta ordinationem nostram mandatis eisdem in omnibus plene, libere, precise ac etiam absolute, iuramenta et fideiussorias et alias suflB- cientes et ydoneas cautiones, de quibus, prout gra- vitas facti requirit, et videritis expediens, recepturi. Verum ut Commune, Raynaldus et Opizo supradicti nostram et apostolice sedis gratiam erga se miseri- cordem percipiant et benignam, vobis vel alteri ve- strum cum deputando predicto mandatis, Civitate, palaciis, castris, fortelliciis et locis predictis prius nostro et ecclesie Romane nomine receptis, predi- ctam interdicti sentenciam usque ad nostrum bene- placitum suspendendi plenam concedimus tenore presentium potestatem. Volumus autem, quod si post suspensionem sentencie interdicti huiusmodi perciperetis ipsos ab huiusmodi proposito resilire, non expectato mandato aho apostolico possitis su- spensionem huiusmodi revocare, ac dictam interdi- cti sentenciam facere auctoritate presencium iuxta priorum litterarum continenciam observari. Datum Avinione x. Kalendas Augusti, Pontificatus nostri anno quinto (sexto).