CCCCXLIV. — N° 57G. Donalion de terres a Oostkerke. In nomine Patris et Filii et Spiritus Sancti. Amen. Ego W. divina permissione Brugensis prepositus ac Flandrie cancellarius et frater S. dictus abbas de Thosan, notum facimus pos- teris et modernis, presentes litteras inspecturis, quod Nicholaus Calo, hospes fratrum de Dunis et uxor ejus Ava in nostra presentia constituti, domum suam, cum cellario et omni suppellectili domus, ecclesie dunensi, absquc reclamatione propinquorum post obitum suum, in meram elemosinam contulerunt. Preterea dicta Ava totam terram suam, que jacet in par- rochia de Ostkerke, juxta Ileicnbruga, cum fundis suis ibidem jacentibus, similitcr dicte ecclesie post ejus obitum possidendam libere assignavit, uterque vero katellum suum, si voluerit, reservabit, alias particndum. Nicholaus etiam terram suam reservabit cum fundis suis, ne filios, quos separatim habet, non communes cum ista uxore exheredet. Et sciendum quod dicta ecclesia diclo Nicholao X tg Flandrenses accomodavit, quas in apparentiori sub- stantia post ejus obitum recipiet, si ipse eas non restituerit adhuc vivens. Factum est autem hoc in domo Brugensis prepositi, coram testibus viris venerabilibus: domino E. abbate de Dunis et B. cellelario suo ct Alano monacho dunensi et duobus canonicis Sancti Donatiani, domino Cornelio et magistro Lamberto. Anno Domini M° CC° XXIir, mense Februario. In cujus rei testimonium et munimentum presentes litteras sigillis nostris duximus roborandas.