Nous Guys, cuens de Flandres et marchis de Namur, faisons savoir a tous, ke nous avons vendu bien et loialment par le main de nostre foiable Huon de le Voulrestrate, bourgois de Gand, a religieus hommes lo .. abbey et le couvent de Ie abbeye de le Dous, siscante et quinzu bonniers de muer a tout le treffons, gisans en le parroche de Hulst, en uu liu ke on appelle Ga- gheldonc, au deseure de leur muer. Li quel siscante et quinzc bonnier de muer a tout le treffons ont de larghethe deseure et desous, siis cens quarante siis et demie verghe et de longethe a cascun leis, cent chiunquante et siis verghes et sept et demi pies. Desqucls siscante et quinze bonniers de muer a tout le treffons, nous lor avons vendu cascun bon- nier pour le pris de vint et siis livres de le monoie de Flandres, parmi les carites et lor avons delivres mesures bien et loialment par le dit Huon. Li quels vendages mis en summc monte a mil nuef cens chiunquante livres de le moiioie de Flandres, desquels deniers tous par vendage et par carites, nous nos tenons a sols et a payet entirement et bien en bone raonoie bien contee et delivree a no command. Et ches siscante et quinze bonniers de muer a tout le treffons avons pous promis et promettons pour nous et pour nos hoirs contes de Flaudres a warandir as desus dis religieus hommes le abbey et le couvent de le Dous, a tous jors perpetuelmeut contre tous, par mi siis deuiers de cens par an pour cascuu bonnier, a payer a le saint Remi au recheveur de nos bries de Hasseneyde et par mi double cens toutes fois ke li nruers devantdis a tout Ie treffons, ira d'une main en autre et par

624

mi quatre deniers pour mettre en nos bries le non de chelui ki i entrera. En tesmognage des queles choses nous avons a ches presentes lettres fait mettre nostre sael, ki faites furent et donnees lan de grasse mil deus cens quatre vins et sayze, le mardi apries les octaves saint Martin en yver.