Omnibus presentes lttteras inspecturis Willelmus decanus ecclesie sancti Petri Insulensis, salutem in Domino. Noverint universi quod cum religiosi viri, abbas et conventus monas- terii beate Marie de Dunis, cysterciencis ordinis, morinensis diocesis, dictum Mathiam de sancto Bavone, militem, coram venerabili viro decano ecclesie sancti Audomari, auctoritate apostolica, traxisscnt in causam super eo quod dicebant dictum militem exigere et extorquere velle, imo jam extorsisse a rebus monasterii predicti theloneum, pedagium, sive passagium aut conductum et alias exactiones, quibuscunque nominibus censeantur, in aqua de Scalda, in locis ubi dictus miles sibi jus vendicat hujusmodi exigendi, cum supra prestatione predictorum ut dicebant dicti abbas et conventus, eorum monasterium hactenus fuerit, sit et esse debeat liberum et immune ac tandem dicte partes supra premissa causa, in nos tamquam in arbitrum compromississent, sibi invicem promittentes sub pena triginta librarum Flandrie parti obser- vanti dictum nostrum a parte que contraire presumeret solvendarum, quod quicquid supra predicta causa, compositione vel indicio ordinandum sive decernendum ducemus firmiter observarent, certo termino in compromissione apposito infra quem arbitrum debuit terminari, qui terminus postmodum de consensu partium extitit prorogatus, prout hec in diversis litteris super hiis confectis plenius continentur. Tandem nos, recepto onere compromissi, cognita causa predicta militis, inter premissas partes per compositionem ordinavimus in hunc modura: per compositionem quidem ordinamus et dicimus orditiando quod dictus miles restituet abbati et convcnlui supradictis, omnia que supradicta occasione ab eis extorsit et vadia que hac occasione detinebat'. Item quod dicti abbas et conventus in nuntiis et rebus dicti monas- terii quibuscunque, in supradictis locis, erga dictum militem et suos successores, siut et esse debeant decetero in perpetuum, super omnibus exactionibus prenominatis, liberi et immunes, hoc adhibito moderamine quod si res dicti monasterii per ipsa loca, in aliena nave ducantur, navis ipsa sive res alie que ad ipsum monasterium non pertinent, monasterii privilegio contra iocorum consuctudines minime defendantur, et credere debebunt dictarum consuetudinum receptores de rebus qui sunt in navi an monasterii sint an non, juramento conversi, seu nuntiis monasterii qui rebus ipsis prestiterit ducatum, aut etiam plane asser- tioni monachi super ordines suos cum monachum contigerit interesse. Adjecimus insuper in nostra ordinatione quod dicti abbas et conventus, divine pietatis et caritatis intuitu, dicti Mathie, patris et matris sue, fratris ejus Theodorici et Wivine uxoris sue animas in orationes et beneficia monasterii sui recipiant et haheant decetero Domino commendatas. Ordinando ctiam

213

diximus et injunximus partibus supradictis, quod altera alteri si petierit litteras suas patentes, concedat hanc presentem ordinationem nostram continentes in quibus contineatur qui eam approbct et acceptet et recipiat deinceps firmiter observandam sub pena superius nominata. In hujus rei memoriam presentibus sigillum nostrum duximus apponendum. Datum anno Domini millesimo ducentesimo quinquagesimo secundo, mense Februarii.