In nomine domini amen. Nos Otakarus dei graeia rex Bohemie, dux Austrie et Stirie et marchio Morauie vniuersis presencium noticiam habituris salutem inperpetuum. Ad memoriam rei perpetuam. Gesta regalia calumpniorum scrupulis exemptis quibuslibet inuiolabiliter vt seruentur, et ne a memoria hominum labili decidant per decursum temporum obliuiosum eadem scriptu(r)arum vocabulis duximus mancipanda. Hinc est quod vniuersos et singulos tam presentes quam posteros scire volumus, quod reuerendum in Christo patrem et dominum Chunradum venerabilem episcopum Frisingensem amicum nostrum karissimum se nostris beneplacitis et desideriis promptum et paratum in omnibus exhibentem specialis prerogatiua dileccionis et favoris pocioris gracia prosequentes, ipsum dominum episcopum omnibus iuribus prouinciali iudicio in Heybs attinentibus quibus predecessor suus felicis memorie gauisus esse dinoscitur, libere ac plenarie volumus congaudere, ipsius iudicii prouincialis homines ad iurisdictionem et dominium iamtacti domini episcopi pertinentes ab exactionibus quibuslibet et vexacionibus indebitis et tractionibus ad fora aliena, videlicet iudicum nostrorum prouincialium sev iudicum ciuitatum vel aliorum quorumcunque iudicum et subiudicum penitus eximentes, ita tamen quod in signum exemptionis huiusmodi et indicium tria talenta denariorum Wiennensium singulis annis ad nostram cameram vel alicui alteri persone cui ipsam summam deputandam duxerimus, faciat assignari quemadmodum predecessor suus pretactus eandem summam annuam comiti Ottoni de Hardeke pie memorie dinoscitur exsoluisse, qui comes O. ipsum iudicium prouinciale vna cum comicia in Peilstain a nobis possedisse dinoscitur tytulo feodali. In cuius rei testimonium et robur firmitatis perpetuum vt premissa libertas et exempcio nostra de regia liberalitate concessa inconuulsa permaneat, et ne aliquando¹ nostre sub optentu gracie aliquatenus infringatur, presentes nostrorum sigillorum munimine fecimus communiri. Actum Wienne anno domini M.CC.LX. quinto, VIIII. indictione, presentibus testibus Zmilone de Belkowe, Henkone marschalco, Deem(?) Wilhelmo de Phrinsperge, Disnata dapifero Morauie, Hartlibo camerario, Zmielone de Brumawe, Heinrico dapifero de Greizenstain, Marquardo magistro cellarii, Menhardo de Swarense, Vlrico de Luhsnik, Friderico de Luhsnik, Ditrico de Richendorf, Wlfingo de Aigen, Marquardo (de) Leuhsnekke, Chvnrado Sappone et aliis quampluribus fidedignis. Datum ibidem, pridie nonas Aprilis, per manus prothonotariorum nostrorum magistrorum Vlrici et Petri, regni nostri anno quarto.

Source Fulltext: ZAHN, Codex Diplomaticus (=FRA II/31, Wien 1870) S. 254-255