Chunradus dei gracia Frisingensis episcopus. Dilecto in Christo fratri magistro Heinrico venerabili preposito Werdensi eiusque successoribus sibi canonice substituendis in perpetuum. Ex pontificalis nostre dignitatis apice ac etiam ex iniuncto nobis tenemur officio pastorali preces a radice equitatis et iusticie procedentes fauorabiliter exaudire. Hinc est quod tua dilecte in Christo frater porrecta nobis precamina a fonte intime deuocionis feliciter emanancia duximus exaudienda, in eo videlicet quod tu zelo deuocionis accensus per senarium numerum in Werdensi ecclesia ob remedium anime tue et in remissionem tuorum peccaminum ad laudem dei et ob reuerenciam et honorem sanctorum martirum Primi et Feliciani, quorum in eadem Werdensi ecclesia patrocinia continentur, cultum et officium diuinum salubriter augmentasti, creando in eadem Werdensi ecclesia nouam prebendam et instituendo in eadem sacerdotem pro decano, talibus condicionibus appositis et adiectis videlicet quod idem decanus et eius successores in tua uel tuorum successorum absencia canonicos ibidem diuino seruicio mancipatos in spiritualibus regant et eorum excessus et negligenciam corrigant et emendent atque diuinum officium et missarum sollempnia peragant in summis sollempnitatibus in eadem Werdensi ecclesia, et quod quolibet die Lune per anni circulum in quadam capella in honore sanctarum Katerine et Barbare virginum et beatarum Marie Magdalene ac Elizabet per te ibidem ex nouo constructa pariter et dotata missam dicant in perpetuum pro defunctis, et quod qualibet septimana per circulum anni idem decanus et sui successores ad minus duas uel tres missas celebrent siue dicant, et quod idem decanus eiusque successores in eadem prebenda continuam habeant residenciam ne per eorum absenciam regimen chori et capelle ac misse predicte atque canonicorum correctio negligatur. Debet autem idem decanus et eius successores nichil plus iuris in eadem Werdensi ecclesia sibi vendicare, nisi quod per te et tuos successores sibi fuerit concessum et ordinatum. Insuper hanc condicionem adiecisti firmiter obseruandam, videlicet quod canonici qui pro tempore fuerint in eadem Werdensi ecclesia eorum decano defuncto alium sacerdotem ydoneum et discretum eligant pro decano, euius inquam eleccionis examinacio et confirmacio spectare debet ad te perpetuo et tuos successores qui tibi canonice in eadem Werdensi ecclesia fuerint substituti, cui inquam decano ex nouo taliter instituto et eius successoribus redditus decem marcarum denariorum vsualis monete tradidisti, videlicet decimam in Tigrich et duos mansos sitos iuxta Werdensem ecclesiam, quam inquam decimam in Tigrich et eosdem duos mansos ad Werdensem ecclesiam per tuam diligenciam conquisisti. Insuper alios quatuor mansos eidem decano et eius successoribus etiam tribuisti qui ad tuam et predecessorum tuorum mensam deruire actenus consueuerunt, in quorum inquam quatuor mansorum recompensacionem alios quatuor mansos aput Raedentein sitos equiualentes et equipollentes tuis successoribus tradidisti, quos inquam predictos mansos cum memorata decima in Tigrich tempore tui regiminis ad eandem Werdensem ecclesiam propriis rebus comparasti atque tuis sumptibus redemisti. Vnde a nobis petiuisti humilita et deuote, quatenus omnia premissa que per te dinoscuntur rationabiliter et feliciter esse facta, dignaremur accedente nostro assensu pariter et consensu per nostras litteras confirmare atque prelibatam capellam (!) aliquam indulgenciam dare de gracia speciali. Nos vero tue deuocionis zelum intuentes singulas et vniuersas condiciones et ordinaciones predictas quas tam in institucione noui decani quam in asignacione et commutacione reddituum memoratorum salubriter ordinasti pariter et fecisti, gratas habemus simul atque ratas et easdem nichilominus testimonio presencium confirmamus et de omnipotentis dei misericordia et beatorum apostolorum Petri et Pauli meritis sonfidentes omnibus Christi fidelibus qui feruore deuocionis inflammati in festiuitatibus predictarum sanctarum virginum Katerine et Barbare et beatarum Marie Magdalene et Elizabet siue in die consecracionis memorate capelle annis singulis accesserint, quadraginta dies criminalium de iuiuncta eis penitencia misericorditer in domino relaxamus. Ne igitur supra memorate condiciones et ordinaciones inposterum per successores nostros siue tuos sev per quoscunque alios reuocari sev in fringi valeant uel mutari, presentem paginam tibi tuisque successoribus in huius rei euidens testimonium et in perhennem memoriam tradidimus nostri pendentis sigilli munimine roboratam. Datum apud Waydhouen, anno domini millesimo CC. LXXVIIII., kal. Martij.

Source Fulltext: ZAHN, Codex Diplomaticus (=FRA II/31, Wien 1870) S. 388-390