Ich Wernher vnd Chvnrad prueder von Lok vnd ich Chvnrat hern Chvnrats des Agleigers sun vergehen an disem prief vnd tv^on chvnt fur vns vnd fur vnser erben vnd fur Jeklein vnser Wernher vnd Chvnrats pruoder sun vnd fur Jacoben vnsers vetern erben daz wir gegen vnserm herrn von Freisingen vnd gegen seinem gotshaus furpas chain ansprach haben noch dehainen chriech vmb Marsen an der Triwei vnd seinem pruoder vnd vmb Michels drei sune von Veznitz di vns geantburt sint in vnser gebalt von dem vorgenantem vnserm herrn von Freisingen mit solher beschaidenhait, ob sich ervindet, daz dev vorgenanten funf levt oder ir dahainer (!) in des gotshaus gebalt gechiert hat, daz wir der selben oder des selben erben mit dem gotshavs tailen schullen, vnd dar vber geb wir disen prief versigelt mit vnserr aller dreiger hangenten insigeln. Daz ist geschehen ze Lok dv man zalt von Christes gebvrt drevtzehen hvndert iar, dar nach in dem fumftzehentem iar, an sand Veides tag.

Source Fulltext: ZAHN, Codex Diplomaticus (=FRA II/35, Wien 1871) S. 79-80