Ich Rudolf von Liehtenstain vergich mit disem brief vnd tv^on chvnt allen den die in sehent oder hoerent lesen, daz ich enpfolhen han dem bescheiden manne hern H. dem pfarrer ze Frawenburch vnd gib im gantzen vnd vollen gewalt mit disem brief ze verchaufen oder ze versetzen an miner stat vnd von minem geschaeft mein aigen vnd mein lehen als vil vnd er des ze rat wirt, ez sey an vrbor, an aigen oder an anderm gu^ot swa ez ist gelegen, vnd han willich vnd staet swaz er da mit tu^ot, baidev mit verchaufen vnd mit versetzen, vnd vertzeih mich da als gaentzleich auf als ich den chauf oder satz selb taet. Dar veber gib ich im disen brief versigelten mit minem hangenden insigel, der gegeben ist ze Frawenburch M. CCC XVI., des naehsten tags nach sant Vrbans tag.

Source Fulltext: ZAHN, Codex Diplomaticus (=FRA II/35, Wien 1871) S. 84