Wir Ch. etc. veriehen etc. daz der edel herre vnser besundrer frevnt graf Alb. von Goertz vnd von Tyrol mit vnsrer gunst vnd willen sein havsfrawen vnd wirtinne die edeln graeuin Offm. von Goertz ein tayl irr morgengab geweiset hat auf zwo zwaige die graf Alb. von vns ze lehen sol haben vnd (die) gelegen sint in der gegent ze Sylian, eynev auf Kartytsch da Alb. der Espaner auf sitzet, vnd die ander in der Volgraten da Alb. in der Lewen auf siezt. Div vorgnant zway gu^ot mit samt den levten als si graf Alb. inne gehabt hat, haben wir der vorgnant graevinn Offm. bestaetigt ze ir morgengab daz si da mit schaffen sol swaz ir lieb ist, also auzgenomenlich daz si die vorgnant gu^ot die vnsers gotshous aygenschaft sint, an vnsern vnd vnsrer nachchomen willen niht fuerbaz entpfroenden sol, ez beleib die herrschaft vnd aygenschaft bey vns vnd bey dem gotshous ze Frising. Dar veber geben wir etc. Datum in Lok (anno domini) M. CCC. XXI., (in) die sancti Erhardi.

Source Fulltext: ZAHN, Codex Diplomaticus (=FRA II/35, Wien 1871) S. 125