Nos Otto diuina permissione decanus et capitulum ecclesie Frisingensis ad vniuersorum noticiam quorum interest uel intererit, volumus peruenire quod dilectum nostrum concanonicum magistrum Fridricum prepositum Sliersensem per anrmm nunc presentem nostrum constituimus verum atque legittimum procuratorem, dantes eidem plenam potestatem nostro nomine colligendi redditus prediorum nostrorum sitorum in Montanis tam in vineis, quam in agriculturis aliis quibuscumque, agendi, deffendendi, litem contestandi, interlocutoriam seu locutorias ac diffinitiuam sentenciam audiendi coram quocumque iudice ecclesiastico uel ciuili in quibuslibet causis eisdem nostris prediis ingruentibus, constituendi, destituendi colonos eorundem atque omnia alia faciendi que huiusmodi procuratoribus a lege vel canone sunt concessa, eciam si mandatum exigant speciale. Promittimus etiam sub ypoteka rerum nostra(ru)m ratum et gratum nos habituros quicquid per dictum procuratorem nostrum actum siue ordinatum fuerit in premissis. In cuius rei testimonium et euidenciam pleniorem nostrum sigillum iudiciarium duximus presentibus appendendum. Datum Frisinge, anno domini millesimo CCC. XX. secundo.

Source Fulltext: ZAHN, Codex Diplomaticus (=FRA II/35, Wien 1871) S. 127-128