Ich Chu^onrat der wiltwercher¹ purger ze Wienn, tu^on chunt vnd vergihe offenlich an disem brief allen den die in sehent oder hoerent lesen, daz ich gar vnd gaenczlich gewert pin der pfenninge, der mir mein herre bischof Chu^onrat von Frising suldig was, dar vmb mir her Vlreich von Friding vnd her Hainreich von Hovnburch gehaizzen hetten fuer in ze laisten ze Wienn in der stat, die sag ich paid dar vmb gar vnd gaentzlich ledig wan ich gar vnd gaentzlich gewert pin von minem vorgenannten herren bischof Chunraden von Frising der pfenninge dar vmb si mir hetten verhaizzen vnd gelobt. Dar vmb ze einem vrchuende gib ich disen brief versigelten mit meinem insigel. Der brief ist gebn ze Wienn do von Christes gepuertt worn druetzehen hundert iar vnd dar nach in dem driv vnd drissigisten jar, an vnser Vrowen abent ze herbest.

Source Fulltext: ZAHN, Codex Diplomaticus (=FRA II/35, Wien 1871) S. 207-208