Wir Albr. von gotes gnaden bischof ze Pazzow vnd wir Heinr. von gotes gnaden bischof ze Lauent vnd wir graf Vlr. von Phannberch marschall in Osterreich vnd wir Albr. vnd Hanns von Chunring vnd Hainr. pharrer ze Wienne chorherre ze Freysing vnd ze Pazzow vnd ich Vlreich von Pergow hofmaister ze den zeiten meines herren herczog Albr. in Osterreich vnd in Steyr veriehen vnd tun chunt offenlich mit disem brief, daz wir troster sein worden vnd trosten den erwirdigen herren bischof Chunr. von Freysing vnd sin gotshaus durch vnserer herren bet willen herczog Albr. vnd herczog Otten in Osterreich, daz im vnd seinem gotshaus allez daz stet beleibe vnd vnczebrochen werde darumb er vnd sein gotshaus vnserer vorgenanten herren der herczogen ze Osterreich brief hat. Vnd zu ainein offenn vrchund geben wir im vnd seinem gotshaus disen brief versigelten mit vnsern anhangunden insigeln, der ze Wienne gegeben ist do man zalt von gotes gepurde tausent dreu hundert iar vnd darnach in dem dreu vnd dreizzigisten iar, des nahsten Mentages nach sand Michels tag.

Source Fulltext: ZAHN, Codex Diplomaticus (=FRA II/35, Wien 1871) S. 210