Ich Weygel von Neunburch, mein hausvrawe vnd all mein erben vergehen offenbar an disem brief vnd tuen chunt allen den die in sehent oder hoerent lesen, das wier vns gaenczleich vnd gar bericht haben mit dem erbern herren hern Hainreichen von Chunigswisen ze den zeyten phleger des goczhauss ze Freysing vmb all ansprach vnd voedrung die wier hincz dem goczhaus ze Freysing gehabt haben, an als vil, ob wier ainen chunftigen herren von gnaden ichtes ermonen mugen, ob des nicht geschaech dannoch sag wier das vorgenant goczhaus ze Freysing oder wer sein phleger ist der egenanten ansprach vnd voedrung ledig vnd loes gaenczleich vnd gar, mit vrchund dicz offen briefs den wier in dar vber geben besigelten mit mein Weygleins anhangundem insigel für mich vnd für all mein erben. Der brief ist geben do man zalt von Christes gebuerd drevzehen hvndert jar; dar nach in dem acht vnd vierczigistem jar, an sand Marteins tag.

Source Fulltext: ZAHN, Codex Diplomaticus (=FRA II/35, Wien 1871) S. 287-288