Wir Albreht von gottes gnaden bischof ze Frisingen embieten vnserm lieben oehan (!) Fridrich von Walse von Ens vnsern friuntlichen gruez. Wir senden zu dir Herman Ranczen vnsers lieben brueder graf Hugen diener der dir disen brief antwrt, swaz der mit dir rede vmb die phantschaft Trasenmur mit aller zu^ogehoerd, da gelob im vmb vnd tu^o ez, wan wir grafen Hugen vnserm brueder daz verhaizzen haben, swaz der selb Rancz mit der selben phantschaft handelt, schafft vnd tu^ot, daz wir daz selb stet suellen haben. Dez ze vrkuend senden wir dir disen brief versigelt mit vnserm anhangendem insigel der geben ist ze Ruetlingen, do man zalt von Christes gebuert driuzehenhundert iar vnd dar nach in dem dritten vnd fuenczigosten iar, an sant Katherinen abent.

Source Fulltext: ZAHN, Codex Diplomaticus (=FRA II/35, Wien 1871) S. 300-301