Nicolaus dei gratia sancte sedis Aquilegensis patriarcha. Dilecto nobis in Christo Nicolao dicto Cantzler presbitero nostre Aquilegensis diocesis salutem in domino. Pro parte dilecti in Christo Hilprandi Hak plebani plebis in Lok nostre diocesis est nobis humiliter supplicatum, vt cum te suum constituerit nouum vicarium sue filialis ecclesie in Seltzack, propter com(m)oditatem plebesanorum suorum quorum multi propter nimiam distantiam loci in extremis laborantes absque confessione, Sacra com(m)unione et extrema vnctione et infantes sine sancto baptismo sepius decedebant, certis tibi limitibus deputatis infra quos debeas diuina celebrare ac sacramenta ecclesiastica ministrare, prout in eius litteris plenius continetur, ac super hoc confirrnatione habita reuerendi in Christo patris domini Alberti dei gratia episcopi Frisingensis memorate plebis patroni, vt animus tuus tanto feruentius accendatur ad ea que ipsis plebano ac plebi et filiali ecclesie vtilia sunt, quanto honoratus in illis perspexeris statum tuum fore stabile atque firmum, te in vicariatu iamdicto quo ad spiritualia perpetuare benigniter dignaremur. Nos itaque ipsius plebani supplicationibus inclinati habitoque respectu ad predicta, necnon ad tue merita probitatis super quibus apud nos tibi laudabile testimonium perhibetur, te in vicariatu antedicto cum perceptione eorumque tibi pro substentatione sunt per memoratum plebanum deputata tenore presentium auctoritate ordinaria quod ad spiritualia et eo que ad nos spectant perpetuamus, saluis semper et reseruatis dicto plebano iuribus contuetis, ita tamen quod te cedente etc. ut supra. In quorum omnium testimonium etc. ut supra. Datum ut supra.

Source Fulltext: ZAHN, Codex Diplomaticus (=FRA II/35, Wien 1871) S. 306-307