Wir Albrecht von gots genaden byschof ze Freising vergehen vnd tven chvent mit disem prief allen den die in sehent, hoerent oder lesent vmb die lehen so vns ledig warden sint von Merchlin den Haesyb als vns daz recht gesait hat vor vnserem herren herczog Alb. herczog ze Oesterreich, ze Steyer vnd ze Kernden, vnd vns auch vnser man mit frag vnd mit vrtayl gesait habent vnd ertaylt vnd die wir Fridr. selig von Waltse von Ens gelihen heten, die selben lehen haben wir verlihen Fridr. von Waltse von Ens dem jvengern im vnd allen seinen erben in allem dem rechten vnd ez der egenant Haesyb von vns gehabt hat vnd von dem ez vns mit rechtem recht ledig warden ist. Mit vrchv^end dicz briefs der geben ist anno domini M. CCC. LVI., am Phincztag nach dem Prehentag.

Source Fulltext: ZAHN, Codex Diplomaticus (=FRA II/35, Wien 1871) S. 308