In nomine Domini. Amen. Anno nativitatis eiusdem MCCCCXV, indiccione octava, die vero XXIII mensis Octobris, [1415. okt. 23.] immediate post missarum solemnia in ecclesia collegiata Beati Georgii martiris de Viridi Campo Strigoniensi, vacante sancta sede apostolica sacroque concilio Constanciensi vigente, in mei notarii publici et testium subscriptorum presencia personaliter constitutus discretus vir, magister Paulus Iacobi de So…, presbiter Iauriensis diocesis, legitimus procurator reverendi in Christo patris et domini domini Iohannis, episcopi Wladislaviensis gubernatorisque abbacie monasterii Sancti Martini Sacri Montis Pannonie et conventus loci eiusdem nomine procuratorio, quo supra, corde mestueso extitit protestatus, quod quidam articuli et excepciones in causa pridem orta inter reverendum in Christo patrem dominum Iohannem, episcopum ecclesie Iauriensis nec non prepositum lectorem, cantorem, custodem et capitulum loci eiusdem ut actores ab una et prefatos dominum Iohannem, gubernatorem nec non conventum predicti monasterii tamquam in causam attractos parte ex alia in sede vicariatus ecclesie metropolitane Strigoniensis in facto quorundam decimarium villarum videlicet Wlbew, Peterd, Azonfalva, Nyul, Nagy-Ech, Kys-Ech, Kys-Ravasd et Chanak vocatarum earundemque decimarum quartarum, quas ipsi, dominus Iohannes episcopus ac gubernator et conventus perceperunt et principiunt de presente hinc inde partes inter easdem productarum de conservatoriis seu scrineis, archivis et cistis venerabilis et egregii viri domini Mathei de Vicedominis de Placencia, utriusque iuris doctoris, archidiaconi Nitriensis et canonici in predicta ecclesia Strigoniensi, nec non reverendissimi in Christo patris et domini domini Iohannis, miseracione divina et apostolice sedis gracia archyepiscopi predicte ecclesie Strigoniensis primatis et dicte sedis apostolice in Strigoniensi et Collocensi provinciis legati nati etc., vicarii in spiritualibus et causarum auditoris generalis casualiter forent ... ac deperdite, quorum et quarum copie prefatis domino episcopo et gubernatori ac conventui pro tuicione et gubernacione cause predicte ad deferendam curiam Romanam plurimum essem necessarie, petens et requirens me notarium publicum infrascriptum nominibus, quibus supra, ut si fortassis quidquid ex predictis copiis predictorum articulorum et excepcionum in memoratis archivis, prothocollis, registris et manualibus reperirem, extunc tenorem eorundem in formam publicam redactum dicto nomine eidem concederem ad cautelam. Ego igitur notarius publicus infrascriptus quasdam copias dictorum articulorum et excepcionum causam predictam tangencium sine omni fraude et dolo in meis prothocollis fideliter requirendo inveni. Quorum quidem articulorum copie tenor de verbo ad verbum sequitur et est talis:||
Coram vobis venerabile et circumspecto viro domino Matheo de Vicedominis de Placencia, utriusque iuris doctore, archidiacono Nitriensi et canonico in ecclesia Strigoniensi nec non reverendissimi in Christo patris et domini domini Iohannis, miseracione divina et apostolice sedis gracia archiepiscopi Strigoniensis et dicte sedis in Strigoniensi et Collociensi provinciis legati nati etc. vicario in spiritualibus et causarum auditore generali, procurator procuratorio nomine reverendi in Christo patris ac domini domini Iohannis eadem gracia episcopi Iauriensis ac capituli loci eiusdem contra et adversus reverendum in Christo patrem dominum Iohannem, episcopum Wladislaviensem, gubernatorem abbacie ecclesie Sancti Martini Sacri Montis Pannonie et conventum loci eiusdem et quamlibet aliam personam pro eisdem seu eorum altero in iudicio legitime comparentem communiter et divisim et dicit ac asserit, ponit et si negata fuerint, probare intendit et que secuntur (!), citra tamen superfluam probationem.||
Imprimis elicit ac asserit, ponit et probare intendit, quod a X, XX, XXX, XL et LX ac centum annis et circa et ultra et a tempore et post tempus, cuius inicii seu contrarii hominum memoria non existit, in regno Hungarie et infra ipsum regnum civitas Iauriensis habuit et habere consuevit ac hodie habet ecclesiam kathedralem et episcopalem ac episcopum pro tempore ut capud (!) et certam et limitatam diocesim ac prepositum et nonnullos canonicos prebendatos ut membra capitulum et collegium faciencia et sic fuit et est verum.||
Item quod in dicta diocesi Iauriense et infra ipsam diocesim fuerunt et esse consueverunt temporibus proxime suprascriptis et per ipsa tempora et hodie sunt quedam tres ville, una videlicet vocata villa Wlbew, alia vocata et appellata villa Peterd et tercia vocata et appellata villa Ozonfalva (!) a multis et diversis personis utriusque sexus populate et habitate et a dictis temporibus et per ipsa tempora circa et supra dicte ville Vlbew, Peterd et Azonfalva habuerunt, habereque consueverunt et hunc (!) certum et legitimum et limitatum territorium et distinctum ac certos agros, prata et pascua ad ipsas villas et earum habitatores et incolas utriusque sexus in ipsis villis pro tempore commorantes et inhabitantes coniunctim vel divisim spectantes et pertinentes ac spectantes et pertinentes; et iidem habitatores et incole previa racione a dictis temporibus et per ipsa tempora citra solverunt solvereque consueverunt et solvunt signanter ex constitucione seu institucione Sanctissimi Stephani regis Hungarie ac eciam de more, consuetudine approbata legitime prescripta ex inconcusse observata de primis ... singulis annis decimas frugum, agnellorum, edorum, apum et aliorum rerum minutarum reverendo patri domino episcopo Iauriensi pro tempore existenti seu suis hominibus per ipsum ad hoc deputatis, salvis quartis dominorum et capitulo more solito ipsis provenientibus ex decimis predictis; et sic fuit et est verum publicum et notorium. Ita quidem prout omnibus et singulis fuit et est publica vox et fama.||
Item dicit ac asserit, ponit et probare intendit, quod a dictis temporibus citra et ultra tam de more, usu, iure, observancia et consuetudine legitime prescriptis ac inconcusse et inviolabiliter observatis omnes et singule decime frugum, agnellorum, edorum, apiuum (!) et aliarum minutarum dictarum villarum Wlbew, Peterd et Azonfalva, de quibus ad presens in presenti causa agitur, spectaverunt et pertinuerunt, spectareque et pertinere consueverunt ac spectant et pertinent de iure, more, consuetudine approbata et legitima prescripta et inconcusse observata ad dominum reverendum patrem dominum episcopum Iauriensem pro tempore existentem et ad ipsius mensam episcopalem solum et in solido, demptis quartis capitulo provenientibus; episcopusque dicte ecclesie Iauriensis pro tempore existens ipsis temporibus et per ipsa tempora fuit et esse consuevit cum capitulo eiusdem loci et erant in pacifica et quieta possessione iuris percipiendi, exigendi, levandi et habendi omnes et singulas decimas singulis annis ab habitatoribus seu incolis dictarum villarum Wlbew, Petherd et Azzonfalva pacifice et quiete, salvis infra dicendis, videlicet usque ad tempus et tempora intrusionis, spoliacionis et usurpacionis intrascriptis et ita fuit et est verum, publicum et notorium.||
Item quod reverendus in Christo pater dominus Iohannes, episcopus Iauriensis modernus, a tempore, quo capitulum dicte ecclesie Iauriensis et eius possessionem pacificam et quietam est adeptus et assecutus semper fuit in dominio seu possessione pacifica iuris percipiendi exigendi, levandi et habendi omnes et singulas decimas frugum, agnellorum, edorum, apum et aliarum rerum minutarum ab hominibus seu incolis utriusque sexus dictarum villarum Wlbew, Peterd et Azzonfalva singulis annis provenire solitas solum et in solido, demptis quartis dominorum canonicorum eiusdem Iauriensis ecclesie absque requisicione seu impedimento alterius cuiuscunque persone et dictas decimas tamquam mensam episcopalem spectantes singulis annis percepit, levavit, habuit et exegit ab hominibus seu incolis utriusque sexus dictarum villarum Wlbew, Peterd et Azzonfalva, salvis dictis quartis dominorum de capitulo et in usus suos et mense episcopalis convertit, eciam scientibus, tolerantibus et non contradicentibus abbatibus seu gubernatoribus successive et pro tempore existentibus ac eciam conventui (!) monasterii Sancti Martini supra Pannoniam dicte Iauriensis diocesis. Et ita fuit et est verum, publicum et notorium. Atque pro vero, publico et notorio dictum, habitum, tentum ac editum, nominatum et reputatum habetur et tenetur, dicitur, creditur, nominatur et reputatur palam, publice, communiter et notorie.||
Item quod, licet prefatus reverendus pater dominus Ioannes, episcopus Iauriensis modernes sit, ut ve (!) primitus fuerit semper in pacifica et quieta possessione iuris percipiendi et exigendi, levandi dictas decimas frugum, agnellorum, edorum, apum et aliarum rerum minutarum ab hominibus seu incolis utriusque sexes dictarum villarum Wlbew provenire solitas, ipsasque absque requisicione seu impedimento alterius cuiuscunque persone percepit, tamen reverendus in Christo pater dominus Ioannes, episcopus Wladislawiensis, qui dictum monasterium Sancti Martini supra Pannoniam in commendam possidet et conventus eiusdem monasterii de anno Domini MCCCCX vel circa et deinceps annis singulis prefatum reverendum patrem dominum Ioannem, episcopum Iauriensem modernem possessione dictarum decimarum videlicet Wlbew tocius ac Peterd et Azzonfalva particulariter tenere violenter et de facto spoliaverunt et se in eosdem intruserunt, eosque occupaverunt et decimaverunt et hodie detinent contra Deum et eius iusticiam indebite occupatas ipsasque decimas colligendo, percipiendo et levando ac in usus suos damnabiliter convertendo et distrahendo ad animarum suarum et cuiuslibet ipsorum detrimentum et dicti domini Iohannis, episcopi Iauriensis moderni non modicum preiudicium, dampnum et gravamen et ita fuit et est verum, publicum et notorium.||
Item dicit et asserit, ponit et probare intendit, quod de predicto anno Domini MCCCCX vel circa reverendus pater dominus Iohannes, episcopus Iauriensis modernus prefatus, predictas decimas, de quibus agitur, tamquam sibi et ecclesie sue debitas et ad mensam suam episcopalem de iure spectantes et pertinentes una cum predictis quartis dominorum de capitulo Iauriensi a prefatis reverendo patre domino Iohanne, episcopo Wladislawiensi, commendatore seu gubernatore et conventu dicti monasterii Sancti Martini recepit et per suos certos nuncios repostulari fecit et eas ab iisdem rehabere voluit et vult, prout merito debuit et debet sibi literis mediantibus habitatoribus et incolis dictarum villarum utriusque sexus, qui dictas decimas sibi solverent et solvere tenerentur sub certis penis et censuris mandavit, eosque inhibuit, ne dictas decimas alteri alicui preterquam sibi et capitulo dicto solvere deberent. Et ita fuit et est verum, publicum et notorium.||
Item quod prefati dominus Iohannes episcopus Wladislawiensis, gubernator seu commendator et conventus dicti monasterii Sancti Martini huiusmodi repeticionibus et inhibicionibus a prefato domino Iohannem episcopo Iauriensi, ut premittitur, actis se temere et violenter opposuerunt et opponunt ac ipsos dominum Iohannem episcopum et capitulum Iauriense super premissis multipliciter molestaverunt et molestant, vexaverunt et vexant, impediverunt et impediunt ac fecerunt et faciunt, quominus prefati dominus Iohannes episcopus dictas decimas et capitulum quartas eiusdem ex possessionibus eorundem rehabere et recuperare possent et valerent, ita fuit et est verum, publicum et notorium. Item quod de premissis et singulis fuit et est publica vox et fama.||
Quare petit et requirit dictus procurator nomine, quo supra, per vos, dictum venerabilem virum dominum Matheum de Vicedominis de Placencia prenotatum et per vestram diffinitivam sentenciam ... decerni et declarari supra dictas decimas ac ius percipiendi, exigendi, colligendi et levandi easdem ad reverendum patrem dominum episcopum Iauriensem perpetuo existentem et ad dominum reverendum patrem dominum Iohannem, episcopum Iauriensem et ad mensam episcopalem salvis quartis capituli loci eiusdem et ad eosdem spectasse et pertinuisse ac spectare et pertinere de iure solum et in solido sibi easdem in omnibus iuribus et pertinenciis suis adiudicandas fore et per vos adiudicari predictisque reverendo patri domino Iohanni, episcopo Wladislauiensi, commendatorio et conventui dicti monasterii Sancti Martini ... nullum ponens ius in dictis decimis seu ad eos competisse neque competere prefataque spoliaciones, intromissiones, occupaciones, detenciones, molestaciones, perturbaciones et impedimenta, predaciones et predicta fuisse et esse temerarias, illicitas et iniustas ac temeraria, illicita et iniusta ac de facto presumptas et presumpta predictisque domino episcopo, commendatori et conventui adversariis in, de et super huiusmodi spoliacionum, intrusionum, occupacionum, detencionum, molestacionum, perturbacionum et impedimentorum ac iuris percipiendi, exigendi, et colligendi dictas decimas perpetuum silencium imponendum fore et per vos impediri, prefatum videlicet dominum Iohannem episcopum Iauriensem et ad pristinam possessionem dictarum decimarum et ad ius percipiendi, exigendi, colligendi et levandi easdem, in qua idem dominus Iohannes episcopus Iauriensis et sui predecessores episcopi Iaurienses fuerunt et sunt, ante omnia reponendi, restituendi et reintegrandi fore et per vos reponi, restitui et reintegrari, predictos dominum episcopum Wladislawiensem, commendatarium et conventum monasterii supra dicti adversarios in fructibus ex dictis decimis a tempore spoliacionis, intromissionis, occupacionis et detencionis predictarum decimarum percepcionibus et que percipere potuissent necnon expensis in prosecucione litis huiusmodi cause factis et damnis passis condemnandos fore et per vos ... et protestatur de fructibus percipiendis ac expensis, damnis et interesse propterea passis et paciendis; et alias protestatur et petit in, de supradictis et singulis premissis sibi fieri complementum iusticie ... benignum auxilium et officium super omnibus et singulis premissis humiliter impetrando. Et petit quod omnia premissa possit congrue emendare, declarare et alias peticiones, si opus fuerit, de novo dare cum potestate eciam augendi, minuendi innovandi etc. Et alias protestatur, ut fuit et est moris, coram vobis, venerabili et circumspecto viro domino Matheo de Vicedominis de Placencia, utriusque iuris doctore, archidiacono Nitriensi et canonico ecclesie Strigoniensis necnon reverendissimi in Christo patris domini domini Iohannis, miseracione divina et apostolice sedis gracia archiepiscopi Strigoniensis et dicte sedis in Strigoniensi et Colocensi provinciis legati nati vicario in spiritualibus et causarum auditore generali, procurator procuratorio nomine reverendi in Christo patris ac domini domini Iohannis eadem gracia episcopi dicte ecclesie Iauriensis ac capituli loci eiusdem contra et adversus reverendum in Christo patrem dominum Iohannem, episcopum Wladislawiensem, gubernatorem seu commendatarium abbacie ecclesie Sancti Martini Sacri Montis Pannonie et conventum loci eiusdem et quamlibet aliam personam pro eis seu eorum articulis in iudicio legitime comparentem coniunctim et divisim ...||
Imprimis dicit et asserit, ponit et probare intendit, quod a decimo, vigesimo, trigesimo, quadragesimo et sexagesimo ac centum annis et circa et ultra et a tempore et per tempus, cuius inicii seu contrarii hominum memoria non existit, in regno Hungarie et intra ipsum regnum civitas Iauriensis habuit et habere consuevit et hodie habet ecclesiam kathedralem et episcopalem ac episcopum pro tempore ut caput et certam et limitatam diocesim ac prepositum [et nonnullos canonicos] prebendatos ut membra capitulum et collegium facientes et sic fuit et est verum.||
Item quod in dicta diocesi Iauriensi et infra ipsam diocesim temporibus proxime suprascriptis et per ipsa tempora fuerunt et esse consueverunt quedam quattuor ville, una videlicet vocata et appellata villa Nyul, alia vocata et appellata villa Nagh Ech, tercia villa Kis Ech et quarta vocata et appellata Kis Ravasd, similiter a diversis personis] utriusque sexus populate et habitate, quodque a dictis temporibus et per ipsa tempora citra et supra dicte ville habuerint et habere consueverint et habent certa et limitata territoria ac distincta ac aratra sua et limites, plures vineas plantatas et agros ad ipsas villas et habitatores seu incolas ipsarum villarum pro tempore existencium et alios vicinos cometaneos, videlicet vicinos et comprovinciales coniunctim et divisim spectantes et pertinentes, et quod iidem habitatores et incole dictarum villarum ac vicini et cometanei et comprovinciales in territoriis dictarum villarum Nyul, Nagh Ech, Kis Ech et Kis Ravasd vineas et agros habentes solvere consueverunt et solverunt signanter ex institucione et constitucione Beatissimi Stephani priori regis Hungarie et legati sedis apostolice, ut dicitur, prout ceteri regnicole eciam de more, consuetudine approbata legitime prescripta et inconcusse ac inviolabiliter a dictis temporibus citra et per ipsa tempora observatis certas decimas frugum seu bladorum, vinorum, agnellorum, hedorum et apum et aliarum rerum minutarum annis singulis debitis temporibus personis intrascriptis seu ordine subscripto. Et ita fuit et est verum, publicum et notorium. ltem quod de premissis omnibus et singulis fuit et est publica vox et fama.||
Item dicit et asserit, ponit et probare intendit, quod a dictis temporibus citra et ultra de more, usu, ordine, constitucione, observancia et consuetudine legitime prescriptis ac inconcusse et inviolabiliter observatis omnes et singule decime frugum seu bladorum, agnellorum et hedorum, apum et aliarum rerum minatarum dicte ville Nyul, de quibus in presenti causa agitur, spectaverint et pertinuerint ac spectant et pertinent previa racione legitime prescripta et inconcusse observata ad dictum reverendum patrem dominum episcopum Iauriensem pro tunc et iterum et ad ipsius mensam episcopalem solum et solidum, demptis quartis capitulo eiusdem loci provenire consuetis, decime autem vinorum territorii dicte ville Nyul de usu, more, consuetudine et observancia legitime prescriptis et inconcusse ac inviolabiliter observatis eciam temporibus proxime suprascriptis et per ipsa tempora dominus pro tempore episcopus Iauriensis ecclesie existens ac capitulum loci eiusdem a dictis temporibus citra et ultra fuerint et esse consueverint et erant in pacifica et quieta seu quasi possessionali iuris percipiendi, exigendi, levandi et habendi omnes et singulas decimas vinorum territorii dicte ville annuatim ab omnibus hominibus in territorii dicte ville Nyul vineas habentibus pacifice et quiete, salvis infra dicendis, videlicet usque ad tempus et tempora intrusionis, occupacionis, spoliacionis et detencionis; et fuit et est verum publicum et notorium.||
Item dicit ac asserit, ponit et probare intendit, quod a dictis temporibus citra et ultra de more, usu, iure, consuetudine et observancia legitime prescriptis et inconcusse et inviolabiliter observatis omnes et singule decime vinorum in territoriis dictarum villarum Nagh Ech, Kis Ech, que sub metis dicte ville Nagh Ech concluduntur, Kis Ravasd eciam temporibus proxime suprascriptis fuerint et erant in pacifica et quieta seu quasi possessione iuris percipiendi, exigendi et levandi ac habendi singulas decimas vinorum territoriorum dictarum villarum vineas habentium pacifice et quiete salvis infra dicendis, videlicet usque ad tempus et tempora intrusionis, occupacionis, spoliacionis et detencionis. Sic fuit et est verum, publicum et notorium.||
Item dicit et asserit, ponit, probare intendit, quod a temporibus prescriptis et per ipsa tempora decime frugum, vinorum, agnellorum, edorum, apum et aliarum rerum minutarum nascencium et excrescencium in territorriis dictarum villarum Nyul, Nagh Ech, Kis Ech et Kis Ravasd spectaverint et pertinuerint et spectant et pertinent ad dominos, pro tempore episcopum dicte ecclesie Iauriensis et capitulum loci eiusdem, modo superius preallegato et de presenti ad dictum Iohannem modernum episcopum eiusdem ecclesie Iauriensis ex causis et racionibus praellegatis.||
Nihilominus tamen abbates et gubernatores dicte ecclesie seu monasterii Sancti Martini supra Pannoniam, qui fuerunt pro tempore ac conventus loci eiusdem a triginta annis citra infrascriptis statutis et consuetudinibus ac observanciis de facto, tamen de iure non possunt, se opposuerunt et opponunt, impedierunt ac impediunt, fecerunt et faciunt, quominus domini episcopi dicte Iauriensis ecclesie ... per consequens reverendus pater dominus Iohannes eiusdem Iauriensis ecclesie episcopus modernus decimas predictas dictarum villarum et domini prepositus ac capitulum dictis temporibus et per ipsa tempora modo prescripto provenire solitas, valuerunt et valeant percipere, exigere ac levare ac de ipsis prelibato sue voluntatis disponere et ipsorum dominorum abbatem et gubernatorum dicte abbacie monasterii Sancti Martini et sui conventus animarum detrimentum et prefatorum dominorum episcopi et capituli ac iuris ipsorum non modicum damnum, preiudicium et gravamen. Et sic fuit et est verum. Item quod dicit et asserit, omnibus et singulis fuit et est publica vox et fama.||
Item dat producta et producenda pro parte sua in hac causa proposicionibus et articulis nunquam tamen faciunt et facere possunt pro parte sua ... contra partem adversam et non alias aliter nec ultra nec alio modo. Quare petit et requirit dictus procurator, nomine quo supra, per vos, dominum venerabilem virum dominum Matheum de Vicedominis de Placencia prenotato et per vestram diffinitivam sentenciam pronunciari, decerni et declarari supradictas decimas vinorum ville Nyul ac ius percipiendi, exigendi, colligendi et levandi easdem ad reverendum predictum dominum episcopum Iauriensem pro tempore existentem et ad dictum reverendum patrem dominum Iohannem modernum episcopum Iauriensem et ad mensam eius episcopalem necnon dictos dominos prepositum et canonicos eiusdem ecclesie Iauriensis et ad eosdem spectasse et pertinuisse ac spectare et pertinere de iure solum et in solidum. Decimas vero vinorum dictarum villarum Nagh Ech, Kis Ech sub ... metarum dictarum villarum et Kis Ravasd nascencium et excrescencium ac ius percipiendi, exigendi, colligendi et levandi ac dictos dominos prepositum et capitulum dicte ecclesie Iauriensis et ad eosdem spectasse et pertinuisse ac spectare et pertinere de iure solum et in solidum ipsisque easdem cum omnibus iuribus et pertinenciis suis adiudicandas fore et per vos adiudicari, ipsi reverendo patri domino Iohanni episcopo Wladislawiensi, commendatario et conventui dicti monasterii Sancti Martini adversariis nullum penitus ius in dictis decimis vinorum seu ad eos competivisse et competere prefatasque spoliaciones, intrusiones, occupaciones, detenciones, molestaciones perturbaciones et impedimenta predictas et predicta fuisse et esse temerarias, illicitas et iniustas et temeraria, illicita et iniusta ac defacto presumptas et presumpta predictisque domino episcopo, commendatori et suis successoribus ac conventui adversariis et super huiusmodi spoliacionibus, intrusionibus, occupacionibus, molestacionibus, detencionibus, perturbacionibus et impedimentis ac iuris percipiendi, exigendi et colligendi dictas decimas vinorum villarum predictarum perpetuum silencium imponendum fore et per vos imponi. Prefatum vero dominum Iohannem episcopum Iauriensem ac dictos dominos prepositum et canonicos eiusdem loci ad pristinam ... earundem villarum et ad ius percipiendi exigendi, colligendi et levandi easdem, in qua dicti dominus Iohannes episcopus Iauriensis et sui predecessores episcopi Iaurienses ac prepositus et canonici eiusdem ecclesie Iauriensis fuerunt et sunt ... et per vos reponi, restitui et reintegrari, predictos dominum episcopum Wladislawiensem, commendatarium ac conventum monasterii Sancti Martini ... ex dictis decimis vinorum villarum predictarum a tempore spoliacionis, intrusionis, occupacionis et detencionis predictarum citra percepcionis et que percipi potuissent nec non in expensis in prosecucione litis et cause huiusmodi factis et damnis condemnandum fore et per vos de proventibus perceptis, de fructibus percipiendis ac expensis damnis et interesse propterea passis et paciendis ... et protestatur ... omnibus et singulis premissis ipsis domino episcopo et capitulo fieri iusticie complementum. Et protestatur, quod omnia premissa possit congrue evidenter declarare, et alias peticiones, si opus fuerit, de novo dare cum potestate eciam augendi, minuendi ... et alias protestatur, ut fuit et est moris coram vobis. Item procurator et procuratorio nomine ... causarum ac dictorum domini Iohannis episcopi ecclesie Iauriensis et capituli loci eiusdem contra et adversus reverendum in Christo patrem dominum Iohannem episcopum Wladislawiensem, gubernatorem seu commendatarium abbacie ecclesie Sancti Martini Sacri Montis Pannonie et conventum loci eiusdem et quamlibet aliam personam pro eis seu pro ... legitime comparentem coniunctim et divisim, et dicit ac asserit, ponit et, si negata fuerint, probare intendit ... ad ea dumtaxat, que sibi dicte ... sufficerent ad victoriam presentis cause opponendo.||
Item imprimis dicit ac asserit, ponit et probare intendit, quod anno X, XX, XXX, XL, et sexagesimo ac centum annis et citra ... et a tempore et per tempus, cuius inicii seu contrarii hominum memoria non existit, in regno Hungarie et infra ipsum regnum civitas Iauriensis habuit et habere consuevit et habet hodie ecclesiam cathedralem et episcopalem ac episcopum pro tempore, ut caput et certam et limitatam diocesim ac prepositum et nonnullos canonicos prebendarios et membra capitulum et collegium facientes et sic fuit et est verum.||
Item quod [in dicta diocesi Iauriensi et infra ipsam diocesim a dictis temporibus et per ipsa tempora citra et ultra fuit et esse consuevit et hodie est quedam villa communiter vocata et intitulata villa Chanak habens latum et limitatum ac amplum territorium inhabitancium; et citra et ultra dicta villa Chanak habuit, habereque consuevit et habet inter territorium suum et limites eiusdem plures vineas et agros ad ipsam villam et ad habitatores seu incolas in ipsa villa pro tempore commorantes et inhabitantes ac alios forenses seu extraneos coniunctim et divisim spectantes et pertinentes; et de habitatoribus et incolis dicte ville Chanak a dictis temporibus et per ipsa tempora ac extranei seu comprovinciales de dictis vineis et agris solverent et solvere deberent et tenerentur signanter ex constitucione seu institucione Beatissimi Stephani primi regis Hungarie prout ceteri regnicole ac eciam de more, consuetudine approbata, legitime prescripta, inconcusse observata certas decimas frugum, vinorum, agnellorum, edorum, apum et aliarum rerum minutarum annis singulis certo tempore reverendo patri domino episcopo Iauriensi pro tempore existenti seu eius hominibus ... vel illi, cui episcopus Iauriensis pro tempore existens ipsas decimas, daret seu locaret. Et ita fuit et est verum, publicum et notorium. Item quod de premissis omnibus et singulis fuit et est publica vox et fama.||
Item dicit ac asserit, ponit et probare intendit, quod a dictis temporibus citra et ultra tam de consuetudine seu institucione ipsius sancti regis, quam de more, usu, iure, observancia et consuetudine legitime prescriptis et inconcusse observitis omnes et singule decime frugum, vinorum, edorum, apum et aliarum rerum minutarum ville Chanak, de quibus in presenti causa agitur, spectaverint et pertinuerint ac spectare et pertinere deberent et tenerentur previa racione legitime prescripta et inconcusse observata ad dictum reverendum patrem dominum episcopum Iauriensem pro tempore existentem et ad ipsius mensam episcopalem solum et in solidum, demptis quartis capitullo provenientibus, episcopique dicte ecclesie Iauriensis pro tempore existentis ipsis temporibus et per ipsa tempora ex causis preallegatis cum capitulo eiusdem loci eciam deberet in pacifica et quieta possessione percipiendi exigendi, locandi et habendi omnes et singulas decimas predictas dicte ville Chanak pacifice et quiete et ita fuit et est verum et notorium. Item licet quod dicte decime frugum, vinearum, agnellorum, edorum et aliarum rerum minutarum nascencium et excrescencium in territorio dicte ville Chanak spectaverint et pertinuerint ac spectant et pertineant ... ad dominos pro tempore episcopum dicte Iauriensis et capitulum loci eiusdem, ad dominum Iohannem modernum episcopum eiusdem ecclesie Iauriensis racione dicti sui episcopatus quarteque earumdem ad dictos dominos canonicos ac capitulum, nihilominus tamen abbates et gubernatores dicte ecclesie Sancti Martini supra Pannoniam, qui fuerunt pro tempore ac conventus loci eiusdem a triginta annis citra vel quasi supra scriptis statutis et consuetudinibus ac observanciis de facto, tamen de iure non possent, se opposuerunt et opponunt impedirentque et impedierunt, facerent ac fecerunt et faciunt, quominus domini episcopi dicte Iauriensis ecclesie qui fuerunt pro tempore et per consequens reverendus pater dominus Iohannes episcopus dicte Iauriensis ecclesie ... decimas de villa Chanak frugum videlicet et vinorum ac bladorum, agnorum et edorum, apum et aliarum rerum minutarum et domini canonici de capituli eiusdem ecclesie quartas ex eisdem decimis ipsis dictis temporibus et pro tempore provenire solitas valuerint et valeant percipere, exigere et levare ac de ipsis pro libito sive votis disponere in ipsorum dominorum abbatum et sui conventus animarum detrimentum et prefatorum dominorum episcopi et capituli ac iuris ipsorum et eciam episcopatus sui non modicum dampnum, preiudicium et gravamen. Et sic fuit et est verum. Item quod de premissis omnibus et singulis fuit et est publica vox et fama. Item dat producta et producenda pro parte sua in hac causa proposicionibus et articulis faciunt et ... pro parte sua et contra partem adversam et non alias nec ultra nec alio modo.||
Quare petit et requirit dictus procurator, quo supra per vos, dictum dominum Matheum de Vicedominis de Placencia et per vestram diffinitivam sentenciam pronunciari, decerni et declarari omnes et singulas decimas frugum seu bladorum et vinorum, agnorum edorum ac reliquarum rerum minutarum nascencium et excrescencium in territoriis dicte ville Chanak ad dictum Iohannem dominum ecclesie episcopum Iauriensis et ipsius mensam episcopalem et suos predecessores et successores episcopos pro tempore existentes racione dicti sui episcopatus spectasse et pertinuisse et spectare et pertinere sibi adiudicandas et adiudicanda fore et per vos adiudicare domino gubernatori et conventui dicte ecclesie Sancti Martini adversariis nullum ius competisse seu competere in decimis dicte ville Chanak prefatasque opposiciones, impedimenta predicta fuisse et esse tenerarias, illicitas et iniustas et de facto presumptas ac temeraria, illicita et iniusta et de facto presumpta dictisque gubernatori et conventui suo peticionibus impedimentis nec non decimis universis dicte ville Chanak prescriptis perpetuum silencium imponendum fore et per vos imponi ... gubernatorem ac conventum condemnandum fore et per vos condemnari in decimis, pecuniis et bonis ad dictum dominum episcopum racione dicti sui episcopatus spectantibus per ipsos dominos abbatem, qui fuerunt pro tempore ac conventum loci eiusdem perceptis et in expensis propterea factis et de percipiendis et faciendis. Protestatur alias ... iusticie complementum, vestrum insuper benignum affectum super premissis et eorum quolibet humiliter implorando et predicta omnia et singula dicit et petit dictus procurator nomine, quo supra, coniunctim et divisim ac alias omni meliori modo, iure, via, causa et forma, quibus potest et debet salvo sibi dicto nomine iure addendi, minuendi coram vobis, venerabili et egregio viro domino Matheo etc. vicario ecclesie Strigoniensis in spiritualibus et causarum auditore generali.||
Procurator nomine procuratorio reverendi in Christo patris domini Iohannis, episcopi Wladislawiensis gubernatorisque abbacie monasteri Sancti Martini Sacri Montis Pannonie et conventus loci eiusdem [contra quosdam pretensos articulos pro parte reverendi in Christo patris et domini domini Iohanni, episcopi predicte ecclesie Iauriensis et capituli loci eiusdem desuper factis quarumdem decimarum et aliorum prefatorum vestra in audiencia productos et ablatos excipiendo dicit, et sic, quod ipsis articulis non est respondendum ex causis et racionibus infrascriptis ... et ex eo, quia predictum monasterium Sancti Martini et sui abbates pro tempore constituti fratresque in eodem Deo devote famulantes ea libertatis prerogativa, qua monasterium Sancti Benedicti Montis Cassini gaudere et frui consueverunt, gaudent et fruuntur de presenti, dominus gubernator et conventus predicti ab omnique iudicio et iurisdiccione archiepiscoporum et episcoporum quorumlibet sunt exempti. Ideoque dominus episcopus et gubernator ac conventus predicta libertate approbata requirente nullatenus in causa predicta vestrum vel alterius cuiuspiam iudicis et iusticiarii, sed solum sancte Romane et universalis ecclesie supremi pontificis iudicio adstare deberent et tenerentur; et si vestra paternitas vult in hac parte edoceri, ex tunc supradictus per series bulle papalis exinde confecte vos edocere promptos est et paratus. Quare venerande iudex salva semper vestra reverencia in causa predicta vos intromittere non velitis, unde libertas predicta posset interrumpi.||
Igitur ego, notarius publicus infrascriptus peticionibus prefati magistri Pauli nominibus quibus supra et parte mihi porrectis favorabiliter inclinatus tenorem predictarum copiarum nil addendo, nihilque diminuendo presenti instrumento publico de verbo ad verbum inscribi feci et transcribi communi iusticia suadente. Acta sunt hoc et facta anno, indiccione die, mense, hora, loco et vacacione, quibus superius ... itaque honorabilibus et circumspectis viris magistris Stephano et Thoma ... canonicis prescripte ecclesie Sancti Georgii ac domino Gregorio, plebano ecclesie de Czythnek Strigoniensis diocesis ac aliis quam pluribus testibus fide dignis ad premissa vocatis specialiter et rogatis.||
Et ego, Thomas Anthonii de Wyzkuz, Vesprimiensis diocesis publicus auctoritate imperiali notarius premissis protestacioni, requisicioni aliisque omnibus et singulis supradictis, dum sic, ut premittuntur, fierent et agerentur, una cum prenominatis testibus presens interfui eaque sic facta vidi et audivi, sed propter eminentem dolorem oculorum meorum per alium scribi feci, publicavi et in hanc formam publicam redegi signoque, nomine et subsripcione meis solitis, prout potui, consignavi rogatus et requisitus in fidem et testimonium omnium et singulorum premissorum; item de foramine seu cisione, que et quod apparet in presenti instrumento publico, est mihi, notario publico supradicto solempniter protestatum.