Capitulum ecclesie Iauriensis omnibus Christifidelibus presentibus pariter et futuris presencium noticiam habituris salutem in omnium Salvatore. Ad universorum, tam presencium, quam futurorum noticiam harum serie volumus pervenire, quod vir discretus, dominus Paulus presbyter de Nagyech, notarius honorabilis conventus Sancti Martini Sacri Montis Pannonie in persona eiusdem ad nostram veniendo presenciam exhibuit nobis quoddam privilegium sub nostro antiquo sigillo confectum et alphabeto intercisum, potens nos debita cum instancia, ut eundem de verbo ad verbum sine diminucione et augmento aliquali transcribi et transsumpmi faciendo, presentibusque literis nostris similiter privilegialibus redigendo, sibi dare dignaremur, cuius tenor talis est:||
Geuriensis ecclesie capitulum omnibus presentes literas inspecturis salutem et oraciones in Domino. Universorum noticie duximus significandum, quod Petrus, filius Stephani de genere Heten, in nostra assistens presencia, tam ex parte sua, quam fratrum suorum, Mathye et Athane, confessus est, se terram suam, quam in Kewrushegy habebat abbati et fratribus Beati Martini de Pannonia pro triginta et septem marcis argenti vendidisse cum quinque servis, quorum nomina Scala, Pentek, Feneres, Vas, Cris; quantitas autem terre est ad quadraginta iugera; et exceptis his terram fimatam ad sex iugera et silvam in tribus locis continentem sub se duodecim iugera et septem vineas; de precio autem predicti predii prefatus abbas solvit presentibus nobis in secunda feria post Ramos Palmarum [1230. ápr. 1.] tredecim marcas dicto Petro sub fidei iussione Marchy, filii Grab, missi ex parte Mauricii comitis; et in octava apostolorum Philippi et Iacobi [1230. máj. 8.] debet solvere duodecim marcas; et in tercio die post Pentecosten [1230. máj. 28.] debet solvere iterum duodecim marcas. Anno ab incarnacione Domini millesimo ducentesimo trigesimo. [1230. ápr.] Testes, qui aderant, hi sunt: Nicolaus cantor, Beda custos, Ianus iconomus (!), Betel decanus et alii, Michael comes, Egedius comes, Iacobus primicerius.||
Nos autem iustis et legitimis peticionibus prefati domini Pauli nomine quo supra favorabiliter inclinati, prescriptum privilegium de verbo ad verbum sine diminucione et augmento aliquali transcribi et transsumpmi faciendo, presentibusque literis nostris similiter privilegialibus redigendo eidem dandum duximus ad cautelam. Datum in festo Apparicionis Beati Michaelis archangeli anno Domini MCCCCXVI. [1416. máj. 8.]