Serenissimo principi domino Sigismundo, Dei gracia Romanorum regi semper augusto ac Hungarie, Bohemie, Dalmacie, Croacie etc. regi, domino ipsorum metuendo conventus monasterii Sancti Martini Sacri Montis Panonie oraciones in Domino debitas et devotas. Vestra noverit celsitudo, quod nos receptis litteris vestris annualibus, mediocre sigillo vestro consignatis pro religioso viro domino fratre Michaele, abbate monasterii de Bel et conventui loci eiusdem ad inquisiciones, evocaciones et prohibiciones, necnon ad omnia alia, que talibus in processibus iuxta regni vestri consuetudinem de iure fieri consueverunt facienda, eisdem graciose datis et concessis, iuxta earundem continenciam una cum Dominico de Gych, homine vestro in litteris vestris annualibus inter alios homines vestros conscriptos nominaliter expresso nostrum hominem, videlicet religiosum virum, dominum fratrem Iacobum sacerdotem unum ex nobis ad infrascriptam inquisicionem fideliter peragendam pro nostro testimonio fidedignum duxissemus destinandum, tandem iidem exinde ad nos reversi nobis concorditer retullerunt, quod prefatus homo vester presente iam dicto nostro testimonio, feria tercia proxima post festum Apparicionis Beati Michaelis archangeli de novo elapsum in comitatu Wesprimiensi procedendo ab omnibus, quibus decuisset et licuisset, nobilibus videlicet et ignobilibus ac ab aliis cuiusvis status et condicionis dicti comitatus hominibus palam et oculte diligenter de subscriptis investigando talem scivisset veritatem, quod Lucas filius Petri de Olazfalw, Cosma et Colmanus filius eiusdem Cosme, Petrus Furcha filius Georgii, Iohannes Mezes, Philipus, Paulus filii eiusdem Iohannis, Petrus Warga, Dominicus, Petrus filii eiusdem Petri, Dominicus, Stephanus Babos, Iohannes Olaz, alter Iohannes filius Dominici, Iacobus filius eiusdem, Dominicus villicus, Iohannes, Petrus filii eiusdem Dominici, Ladislaus Kuthelgarto, Mauricius et Iacobus dicti Bech de prescripta Olazfalw iobagiones magnificorum virorum dominorum Nicolai, regni Hungarie palatini et Iohannis bani de Gara, feria secunda proxima ante festum Exaltacionis Sancte Crucis proxime preterito cum universis peccudibus et pecora ipsorum et aliorum populorum de Olazfalw, prescripta universa semina et blada iobagionum religiosi viri domini fratris Michaelis, abbatis de Bel et conventus loci eiusdem intra metas possessionis ipsorum Kopan appellate existentis habita depasci seu destrui et omnino anihilari fecissent; tunc quidem iobagio dicti domini abbatis et conventus, videlicet Blasius dictus Kardos de Kopan predicta de ipsorum dampnis eisdem per eosdem illatis et irrogatis ad possessionem predicti domini abbatis et conventus Kopan denominata peccudes et pecora ipsorum inpellere voluisset, prescripti Lucas, Cosma et ceteri, quorum supra, manibus armatis et potenciariis super eundem Blasium irruentes universaque pecora et pecudes vi ab ipso recepissent ipsumque Blasium dire et acriter usque ad sui efusionem sanguinis graviter verberassent, eundem quasi semivivum relinquentes; eo non contenti Dominicus filius Michaelis, Sebastianus filius Nicolai de Beb oficiales magnifici viri domini Iohannis de Gara, Blasius Horvath familiaris Stephani, militis magistri Nicolai de Zana, una cum nobilibus viris Andrea de Eghazasbedege et Paulo de Homokbedege, necnon Michaele patre antefati Dominici, Georgio dicto Bakon de Beb predicta, Gregorio filio Iohannis, Benedicto filio Lamperti, Iohanne filio Mathius, Benedicto filio eiusdem, Anthonio Chombo, Stephano, Petro filiis eiusdem, Emerico similiter Combo, Simone villico, Laurencio Konth, Michaele filio eiusdem, Nicolao Hwziw, Blasio Eeke, et Thoma Seregelius de prescripta Beb, necnon Luca filio Petri et Cozma Colmanoque filio eiusdem Cosme, Petro Furcha filio Georgio, Iohanne Mezes, Philipo et Paulo filiis eiusdem, Petro Warga, Dominico et Petro filiis suis, Stephano Babos, Iohanne Olaz, altero Iohanne filio Dominici, Iacobo filio eiusdem, Dominico villico, Iohanne et Petro filiis eiusdem Dominici, Ladislao dicto Kuthelgarto, Mauricio, Iacobo dictis Bech et Paulo filio eiusdem de dicta Olazfalw in festo Apparicionis Beati Michaelis archangeli de novo elapsum ad faciem possessionis iam fati domini Michaelis abbatis et conventus Kopan appellate denominatis manibus armatis et potenciariis irruendo ibique intra metas eiusdem possessionis Kopan quosdam iobagiones iam fati domini abbatis et conventus cum aratro ipsorum in terra arantes reperiendo, Matheum videlicet de ipsa Kopan captivassent captivandoque dire et acriter verberassent ac res et bona erga ipsum reperta more predonicorum spoliando recepissent ipsumque Matheum ligatis manibus una cum aratro et bobus in aratro existentibus ac aliis animalibus iobagionum domini abbatis et conventus in ipsa Kopan commorancium ad possessionem Olazfalw deportassent eundemque Matheum in ipsorum vinculis, quo ipsorum voluntati placuisset, fecissent et conservassent potencia ipsorum mediante in preiudicium iam fati domini abbatis et conventus ac iobagionum ipsorum valde magnum. Datum quinto die diei inquisicionis antedicte, anno Domini millesimo CCCCmo vigesimo quarto.