Vladislaus Dei gracia rex Hungarie et Bohemie etc. Venerabilis ac religiose fidelis nobis dilecte. Scripta et literas tuas, quibus significas commendatarium ecclesie Thykoniensis gravi morbo in presenciarum laborare vel forte iam eciam, ut opinaris, morte extinctum esse, de cuius provisione et conferendi facultate a maiestate nostra tibi provideri postulasti, accepimus et aperte omnia cognovimus. Verum te non latere volumus, nos a certo intellexisse, conmendatarium ipsum nondum e vita decessisse. Cum vero abbaciam ipsam vacare contingat, ita tum, nisi illm interea cuipiam contulerimus, hac una vice facultatem nostram de illius diligenti provisione tibi attribuendam duximus, ut eam tali persone conferas, quam noveris Ordini et ecclesie illi abbaciali sufficientem ac idoneam esse. Sales autem, quos a nos in reformacionem illius ecclesie tue dandos postulasti, nobis ad presens desunt, dum vero eorum copia nobis non deerit, non tui immemores erimus. Datum Bude feria quinta proxima ante festum Beati Valentini martyris. Anno Domini millesimo quingentesimo septimo. [1507. febr. 11.]||
Relatio magistri Petri Beryzlo, preprositi Albensis ac secretarii regie maiestatis.