XVII. We men eynem helfen mach in sinem recht. Item weret sake, dat ienich koepman den andern beclagede vor der [Dutschen rechte vnde ienich van den beiden partien begerde van dem olderman vnd gemenen koepman enige van synen frunden eine to helpende vnde2) to radende in synem rechte, so mach he twe edder dre eschen by fulborde des oldermans vnd gemenen koepmans, em de nicht to weigerende, sunder allene de twe, de negest dem olderman sitten. Waner clage vnd antwort gedan, so mach elk man by sinen frunden bliuen stände 3) eme to helpende in sinen rechte. Vnd weret sake, wen clage vnd antwort were gedan, dat enich van den genen de vor utgesettet weren, wedder gynge sitten in de selschop, de man schal nicht wedder gan in er to der tit, to dat de sake myt rechte geendiget sy.