CCXXXVI. Johann Herzog von Lothringen bekennt, den Gerhard Vogt von Hunolstein wegen des im Bisthum Lüttich, namentlich vor Tongern durch den Bischof von Lüttich erlittenen Verlustes noch nicht entschädigt zu haben. 1342 Juli 20. TVir Johann von gots genaden van Lothringen, van Brabant vnd van Lymburg Herzog vnd des heyligen Romischen Biches ein Marschalk bekennen vns offinlichen an disem brif vnd dun kunt allen luden, daz wir vnserm lieben getrwen Herrn Gerharden dem Voyt van Hunollsteyn nusnit gerechint noch be- zalt haben dy virlust vnd den schaden, den er vnd dy sinen genomen hant in dem Bistum van Lüdiche bit ñamen vor Thungeren l, der in geschah von dem bischof van Lüdiche vnd den sinon in rehtin vurworten vnd friden, dy wir vnd dy vnsern mit ym vnd den sinen zu denselben züden hatten, vnd diz waz паe vnserm großen kryge, den wir hetten. Auch bekennen wir an disem brif, daz dem vorgen. Voyt vnd den sinen derselbe schade zu vnreht geschach vnd wider alles reht, vnd ob der selbe Voyt abir dy sinen den vorgen. Bischof von Lüdiche abir yman van den sinen dar vm it ane griften vnd sich irer verluste vnd dez schadens, der in zu vnreht van in geschach, wolten irkobern, daz si reht da mit dedin vnd nit vnreht; vnd wollen auch in dez selben zu allen züden günnen 193 vnd vnsir virhengnufse dar zu virlyhene vnd gebin. Darüber zu merer vrkunde vnd kuntschaff, so henkin wir vnsir Ingesigel an disen brif, der gegebin wart zu Brühsel nae Cristus geburt drutzehinhundert Jar vnd dar nae dru vnd virzig Jar des neysten Sunnedagis vor sent Jacobs dag dez heyligen Zwelfboden. Orig. mit Siegel im furstl. Wittgenst. Arcb. zu Berleburg. — *) Tongern bei Mastricht.