Fridericus comes senior de Liningen. Tenore presentium profitemur et publice protestamur, quod nos, accedente con sensu et libera voluntate domine Iohanne, collateralis nostre, et Friderici filii nostri comitis iunioris, viris religiosis.. abbati et conventui in Otterburg, ordinis Cysterc. Mogunt. dyecesis, vendidimus et in eos plene transtulimus et transferimus in his scriptis proventus sive precarias, que behde vulgariter appel- lantur, videlicet tres carratas vini minus duabus amis et dimi- dia, decem libras Hallens. et novem maldros tritici et dimi- dium, omnemque censum sive precarias hactenus a nobis per- ceptas sive ius percipiendi easdem, quas de curia eorum in Bockenheim et bonis omnibus ac singulis eidem curie attinen- tibus, sive de iure seu de consuetudine sive de facto ratione defensionis eis a nobis impendende, sive advocatie seu alia quacunque de causa hactenus percepimus seu percipere con- suevimus annuatim preter census sive precarias de boni», si- qua iidem . . abbas et conventus a tempore contractus huius in posterum comparabunt in terminis ville Bockenheim pre

179

notate pro quadringentis libris Hallens. quas tenore presen- tium confitemur nos recepisse ab iisdem in pecunia numerata ex causa venditionis predicte et in nostram utilitatem conver tisse, hoc adiecto, quod nec nos, nec nostri heredes seu suc cessores quicunque, seu officiati, familia, seu homines nostri, sive nostrorum successorum predictos . . abbatem et conventum per precarias vel exactiones aliquas denariorum, vini, vel an- none sive de curia eorum predicta recipiendo pabulum sive foenum, vasa vinaria seu res alias qualescunque, vel etiam locando in dicta curia equos vel canes pascendos, seu etiam de bonis campestribus predicte curie attinentibus recipiendo pabulum equorum, sive annonam aliquam , sive per alia ser- vitia seu onera, quocunque nomine censeantur, deinceps in perpetuum non angariabimus neque vexabimus ullo modo, hoc duntaxat excepto, quod si quandoque currum habuerimus ne- cessarium, ipsi nobis eum commodabunt de gratia seu ami- citia, non de iure. Preterea tempore expeditionis vel collec- tionis hominum cuiuslibet vel qualiscunque, nec homines nec equos in curiam locabimus memoratam. Siquas igitur expensas tempore expeditionis huiusmodi vel aliis temporibus fieri con- tigerit in dicta villa per nos vel nostros successores, et etiam officiatos seu homines nostros seu coadiutores nostros et eo- rundem, ab omni contributione, quoad expensas tales, dicti.. abbas et . . conventus erunt liberi penitus et soluti. Ut autem hec a nobis et nostris successoribus quibuscunque perpetuo inviolabiliter observentur, promittimus bona fide ac nos nostros- que successores presentibus obligamus, quod contra premissa nullatenus veniemus, sed renuntiamus simpliciter et precise omni actioni seu impetitioni omnique iuris auxilio canonici et civilis, que pro dictis pensionibus et iuribus sive consuetudini- bus nobis hactenus competebant seu possent competere in fu turo. Nos nostrosque successores presentibus firmiter obligan tes, quod ad defensionem et promotionem curie predicte ac iurium eiusdem et omnium eidem attinentium tenebimur et nos ad hoc astringimus nichilominus in his scriptis, ac si pensio et iura sive servitia predicta de eadem curia nobis an- nis singulis prestarentur. Et nichilominus predicti .. abbas et conventus seu inhabitantes dictam curiam nomine eorundem ius plenum sine diminutione qualibet in almenda ville predicte, scilicet pratis, pascuis, aquis et aliis rebus, que ad eandem

12 *

180

almendam pertinent, et ea utentur sine cuiuslibet contradic- tione, sicut hactenus utebantur. Et si homines predicte ville ipsos.. abbatem et conventum super usu almende huiusmodi impediverint, nos eos in ipso iure sicut et in aliis, ut pre- dictum est, tenebimur defensare. In cuius rei testimonium si- gillum nostrum et collateralis nostre predicte una cum sigillo venerabilis patris domini Symonis Wormat. episcopi, nec non et cum sigillis.. prepositi et . . capituli in Henehe duximus presentibus appendenda. Nos Symon, Dei gratia Wormat. epis- copus, ac nos Iohanna collateralis dicti domini nostri Fride- rici comitis senioris, nosque Symon prepositus et capitulum in Henehe ad rogatum predicti domini Friderici comitis se nioris, collateralis sue et Friderici .comitis iunioris predicto- rum sigilla nostra presentibus appendisse nos confítemur in testimonium premissorum. Nos vero Fridericus comes iunior predictus quia sigillum proprium non habemus, sigillo nobilis viri domini et patris nostri Friderici comitis predicti, et do- mine Iohanne eius collateralis utimur et content i sumus in robur et memoriam premissorum, promittimus etiam bona fide et nos presentibus obligamus, quod quam primum sigillum proprium habuerimus, ipsum in robur et testimonium premis sorum et nostri consensus premissi libere adhibiti presentibus apponemus. Acta sunt hec apud villam Bockenheim presenti bus testibus infrascriptis, videlicet Symone preposito de He- nehee predicto, Friderico de Meckenheim et Gotzone de Mer tesheim militibus, Sygelone advocato, Wisemanno sculteto, Conrado et Heinzone fratribus, Brunengero de Mittelhoven, Herbordo dicto Schechere et Godeberto de Mittelhoven sca- binis, Lamperto cum aliis de frequentia totius ville Bocken heim fide dignis. Datum anno Domini m.gc.lxxxiiii. in die nativitatis beati Iohannis Baptiste. (Glossa in parte inferiori posita : « Habemus litteram specialem Friderici comitis iunio ris, que ratificat litteram priorem.»)