Wir die geistliche richter des hoves zu Spire, vnde wir die richter, der rat vnd die burger gemeinliche von Spire veriehen vffenliche an disem gegenwortigen brieve, daz wir den brief, der hie nach geschriben stet, besigelt mit des conventes des closters von Ottirburg, des ordens von Cytels in Mentzer byschdum gelegen, ingesigel gantz vnde ane allen wandel han gesehen vnd von worte zu worte mit flisze vberlesen, vnd stet der brief alsus: «Wir der . . priol vnd der . . convent ge meinlichen des closters zu Ottirburg, in Mentzer byschdum ge legen, dun kont allen, die disen brief iemer sehent oder horent lesen, daz wir mit willen vnd gudeu verhencnisse des erbern geistlichen vatders in Gotde, bruder Petirs des . . abtes des vorgenant vnsers closters, die ersamen geistlichen lute, bruder Iohans von Celle vnd bruder Herman von Kollen, conventuale vnsers closters zu rechten mumparen vnd procuratoren des vor genant vnsers closters gesetzet han vnde setzen an dysem brieve, vnd geben ien gantze macht vnd volle gewalt, soliche sache, alse vnser here der . . abt der vorgenant, vnd auch wir der vorgenant . . convent gemeinlichen mit den ersamen luten Hein rich, genant Henkin Biereige vnd frau Gysele, siner elichen frauwen, burgern zu Spire, von des hoves wegen, genant der Gelfradin Hof, in der stad zu Spire gelegen, mit allen dem, daz darzu horet, vnd auch vm zwenzig a'chtdeil korngeltes, zwei fuder wingeltes vnd zehen punt Hellergeltes, die der vorge nant vnser herre, der . . abt vnde auch wir der . . priol vnd der . . convent gemeinlichen den vorgeschrieben elichen ge- mecheden, vnd mit allen den andern, die daz ane get zu ver- tingene, penen vnd verbuntnisse daruber zu machene vnd aller derselben sachen vor den erbern heren, den geistlichen rich- tern des hoves zu Spire, vnd den erbern wisen luten, den richtern vnd dem rade vnd den . . burgern gemeinlich zu Spire

409

in gerichtes wis von vnsern wegen zu veriehene vnd ir brieve vnd hantfestene daruber zuheischene, zu gebene vnd zu ne- mene vnd alle ander ding darinne zu dunde, die wir der vor genant . . priol vnd der . . convent gemeinliche dun mochten selber, obe wir zu gegen weren, vnd globen wir der vorgenant . . priol vnd der convent gemeinliche vor vns vnd daz vorge nante vnser closter vnd fur alle vnser nachkomen stede vnde geneme zu halten vnverbruchenlichen, waz die vorgenant bru der Iohans vnde bruder Herman, vnser muntbaren, von vnsern wegen dunt in allen disen vorgeschrieben sachen; vnd des zu eime waren vrkunde so han wir vnsers conventes ingesigel ge henket an dysen brief. Der wart geben, do man zalte von Christes geburt druzehenhundert iar vnd darnach in dem nun vnd drizigestem iare, an deme nehesten mandage nach deme sundage, do man sangOculi mei in der vasten.» (märz 1.)

Nach deme alse wir den vorgeschriebenen brief gesehen, vnd von worte zu worte mit flize vberlesen han, so sint vor vns die vorgenant geistlichen richter des hoves zu Spire, vnd vur vns die richter, der rat vnd die . . burger gemeinliche zu Spire, vnde vor Henneln Reitze, den stetde scholtheiszen zu Spire kommen vffenlichen der erwurdige geistliche man, bru der Peter, der . . abt des vorgenant closters zu Ottirburg, vnd mit ieme die erbern geistlichen lute, bruder Iohans von Cellen vnd bruder Herman von Collen, muntbare vnd procuratore der vorgenanten, des priols vnd des conventes gemeinlichen des vorgeschrieben closters zu Ottirburg von des selben con ventes wegen, alse wir an deme vorgeschriebene brieve han gesehen, off eine site, vnd die erbern lute Heinrichen, genant Hennekin Biereigen vnd frau Gysele, sine eliche husfrauwe, burger zu Spire, of die ander site; vnde hant die vorgenanten parten, bede iewedersite sich erkant vnde veriehen, vnd erken- nent vnd veriehent sich offenliche an dysem gegenwortigen brieve, daz sie miteinander iewedersite vmme alle die ding, die hernach an disem brieve geschriben sint, mutwilleclich vnd einhelleclich vbertragent vnd vberkummen hant, vnd globet hant, alle die ding stede vnd geneme zu haltene vnverbrochen- lich bi allen den worten, penen vnd verbuntnissen, alse in dyseme hienach geschriebene brieve beschrieben vnde bedinget ist ane alle geverde. Von erst, so hant die vorgenanten Hein rich, genant Biereige vnde frau Gysele, sine eliche husfrauwe,

410

ane gesehen, daz vns nit ist sicherre etc. Und darumme so hant sie . . . gegeben vnd vfgegeben . . . irn hof vnde gesesze, genant der Gelfraden hof, gegen schreiers gesesze vber, bi Swabes Brunnen, hinder den Augustinern in der gaszen hie zu Spir gelegen, bit allem dem, daz darzu horet, von vornen biz hinden vz , die auch den vorgenanten hof mit deme darzu horet von irs closters wegen entphangen hant mit solichen rechten vnde gedingen, als hernach geschrieben ist, vszewendig der drier beumen huser, die oben an deme hove vnde gesesze an einander an der ecken sint gelegen, mit deme daz darzu horet. . . . Die vorgenant elichen gemechede Heinrich vnd frauwe Gysel hant auch gemacht eine priester prunde zu einre ewigen messen, . . . vnd die prunde gewidemet ewicliche mit .... ewiger gulte, die sie die vorgenant elichen gemechede vmme die vorgenant deu . . abt vnd den convent des closters zu Ottirburg offe sunderlichen vnderpanden vmme eine genante summe geltes recht vnd redelich gekauft hant, vnd die man geben sol von den vorgenant vnderpanden zu den ziln vnde bit den penen vnde verbuntnissen, alse an den brieven stet, die sunderlich daruber sint gemachet .... Alse sich auch des vnd alles des, daz da vor geschrieben ist, der vorgenant bru- der Peter der abt vnd die egenanten bruder Iohans von Cellen vnd bruder Herman, muntparen vnde procuratoren des con- ventes von Ottirburg, von des vorgenant closters wegen vnd fur sich vnd alle ire nachkommen vur vns vnd den vorgenant.. scholtheizen der stede von Spire offenliche hant verbunden vnde veriehen. Auch hant sich die vorgenant elichen gemechede Heinrich vnd frau Gysel vor sich vnd alle ire erben gegen den egenanten dem . . abte vnd dem . . convente des closters von Otterburg vnd gen allen iren nachkummen verbunden des vor genanten hoves vnd gesezes, genant der Gelfradin Hof, mit allem dem, daz dar zu horet, vnd daz kein zins me do von gen solle, danne vier vnd drizig schillinge Hellergeltes ierlichs vnd ewiges zinses zu werende iar vnd tag vnd furbaz me nach der stetde recht vnd gewonheit von Spire ane alle geverde. Her vber vnd vber allez daz, daz vorgeschrieben ist, so hat der vorgenant Henneln Reitze, der stedte scholtheize von Spire von gewalte sins amptes zu gezugen geben Hun Knoltzen vnd Eberhart Andelehern, die burgermeister vnd den rat gemein lich von Spire. Unde zu einer waren vrkunde vnd offen gezug

411

nisse aller der dinge, die do vor geschrieben sint, so han wir, die vorgenant geistlichen richter des hoves zu Spire vnsers hoves ingesigel, vnd wir die richter, der rat vnd die . . burger gemeinliche von Spire vnserre stetd ingesigel gehenket an dy- sen brief. Dar wart geben, do man zalte von Christes geburt druzehenhundert iar vnd darnach in dem nun vnd driszigesteme iare an deme mandage nach deme sundage, do man sang Le- tare zu mitter vasten.