Wir dyn Siebene, die vber den lantfriden gesetzinet sint vnd gekorn, den vnsir herre, der keyser, die herren vnd die stetde gemacht hant an dem Ryne, veriehen vffinliçh in diseme brieve, vnd dun kunt allen den, die in anesehent oder gehorint lesen, daz wir der siebenre brief, die vber den vorder n lant friden gesetzit vnd gekorn wurin, gesehen vnd gehorit haben, als sie den herren von Otterburg gedeiht vnd gesprochen habent, von worte zu worte, als hie nach geschriben steit:

390

« Wir die Sybene, die vber den lantfriden gesetzit vnd ge- korn sint, den vnsir herrin der keysir Lodewig, her Baldewin, ertzebishof zu Triere vnd pleger der stifte Menze vnd Spire, her Rudolf vnd her Ruprech, hertzogin in Beyern vnd Palntz- graven bi dem Rine, vnd die stetde Mentze, Strazburg, Wor- miz, Spyre vnd Oppinheim mit eyander gemachit, gelobit vnd gesworn hant, veriehin offinliche in diseme brieve vnd dun kunt allen den, dy in sehent oder horint lesen, daz vor vns ist ge- wesin der erbere herre, der abbit vnd der convent zu Otter burg, vnd hant vns geclagit von des lantfrieden wegin, daz der edel man, her Herman von Hohinfels, vnd sine gewalt sie hin dere vnd irre an irme hove vnd gutde zu Bishovesheim wieder alliz reth, daz si kuntlichin machin woltin vor vns, wanne wir in des dage vnd stunde mechtin. Des satztin wir in vnd deme vorgenanten hern Hermanne einen benanten dag vor vns, vnd den dag benanten wir in beider siten. Do der dag quam, do quam des vorgenant abbetis von Otterburg gewalt vor vns, vnd~ enquam des vorgenant hern Hermans gewalt, noch er selber nyt. Do virhortin wir den vorgenant herrin von Ottirburg recht vnd kuntschaft, die er hatte zu deme hove zu Bishovesheim, vnd brachtin daz erberclichen zu bit guten brieven vnde kunt- schefte, die des vorgenant hern Hermans alten besigelt hatten, daz sie, noch keine ir erben vnd nachkummelinge an deme hove zu Bishovesheim, noch an allen deme, daz darzu gehorit, keinreleige recht, friheit noch gewonheit sant mit herbern, mit futirn, mit atzungin, mit sturin, mit heischunge, mit wa- ginfertin, noch mit keynreleige sachin, die in an deme hove noch an deme gutde, daz dar zu gehorit, zu schaden kum- men mochte. Do wir die brieve vnd kuntschaft verhortin, do sprachin wir die Siebene vorgenantin vngezweigit, daz vns alle recht duchte, (daz) der vorgenant her Herman von Hohin fels noch keyn sine erben nach brieven sinre alten, die wir gesehen han vnde gehort han lesen, zu deme hove zu Bis hovesheim, noch zu allin deme gutde, daz dar (zu) gehoret, kein recht, friheit noch gewonheit zu allen den stuckin, als vorgeschoben stet, hant noch haben sollint, nu oder nach in keine wis; vnd virdeilin wir in des mit rechteme vrteile in diseme brieve, den besigelt hat der erbere ritter her Hart mut von Cronenberg, burgrave zu Starkinberg, mit sime in- gesigele, von er vnder vns, der vorgenant Siebene, eyn ge-

391

meine oberman ist, vnd wir, die andern, vnsern willen, heize vnd bede darzu han gedan, daz er diesen brief besigelt hat. Der gegeben ist, do man zalte von Got geborte druzehinhun- dert iar, vnd dar nach in deme vier vnd drizegistime iare, an der nestin mittewochin vor sancte Urbanes dage.» (mai 18.)

Und des zu eime vrkunde vnd eime vordernisse, so henkln wir, die vorgeschoben Sybene, des lantfriden ingesigel an disen brief. Der gegeben ist, do man schreib vnd zalte von Gots geborte druzehinhundert iare, vnd dar nach in dem funf vnd dryzigisten iare, an dem nehsten dynstage nach dem sundage Reminiscere (märz 14.)