Syfridus de Honecken, scultetus Romani imperii in Hagenoa et in Lutra. Uriiversis hanc litteram inspecturis salutem. Ea que geruntur in tempore, simul in tempore laberentur, nisi scriptis et dictis testium firmarentur. Quapropter tenore presen- tium scire volumus universos posteros ac presentes, quod nos communicata manu uxoria nostre Lukardis et de voluntario consensu Reinhardt filii nostri aliorumque heredum nostrorum omnium bona nostra propria, prata videlicet, que in superiori et inferiori parte pontis, qui dicitur Dudimannes Brucke iuxta fluvium, qui Lutra nominatur, sita sunt, cum agro unius iur- nalis adiacente, qui ad heredes fratris nostri Reinhardi defuncti pertinebat, vendidimus pro quadraginta libris Trevirensis mo- nete, cum omnibus attinentiis suis, dilectis in Christo domino Walthelmo abbati et conventui in Otterburg, Cysterc. ordinis Mogunt. dyecesis, iure proprietatis perpetuo possidenda .. pro mittentes bona fide, quod nos omnem actionem et querelam, quas,Philippus miles, filius Statze in Lutra, vel heredes fratris nostri R . , . . memorati, seu alii quicunque in ecclesiam de Otterburg vellent indebite exercere pro bonis antedictis, taliter deponemus, quod ecclesia antedicta de Otterburg supradicta bona ab omni gravamine seu impedimento quorumlibet homi- num libere et secure perpetuo obtinebit. Acta sunt hec anno domini m. cc. lii., нн. kalend. augusti. Huius igitur rei testes sunt hi: Sygelo miles de Turri, Philippus miles filius Stazze, Arnoldus miles de Odenbach, Theodericus de Wilrebach, Lu- dowicus de Alsbrucken, Baldemarus de Brambach et alii quam plures. In cuius rei evidens testimonium perpetuam firmita- tem presens scriptum nostro sigillo duximus roborandum.

80