Eberhardus prepositus totumque capitulum ecclesie in Flan- heim, ordinis sancti Augustini, Mogunt. dyecesis. Tenore pre- sentium constare cupimus universis, tam posteris quam presen tibus, quod nos manu communicata, consensu unanimi et vo luntate vendidimus et nos vendidisse publice profitemur dilecto nobis in Christo domino Petro, plebano ecclesie parochialis sancti Albini, predicte dyecesis, amico nostro speciali, curiam cum vinea in villa Burnheim, que ad nos et nostrum monaste- rium seu ecclesiam ex morte quondam Tb .. dicti Dume nosci- tur devoluta, pro decem marcis Colon, denariorum, quas nos in solutionem debitorum nostrorum recognoscimus convertisse, ad habendam, tenendam et possidendam et post mortem suam legandam suis heredibus vel alias quocunque eidem placuerit pleno iure. Renuntiantes omni iuri et actioni, que nobis ra- tione eiusdem curie contra eundem Petrum, vel eum ac nos, ad quem vel ad quos ipsa curia ac vinea processu temporis de- voluta fuerint, competere possunt in posterum vel ad presens; eo sane excepto, quod si antedictus dominus Petrus post mor tem suam vel ante uuam marcam denariorum Colon, alicui alteri monasterio legare decreverit perpetui census de curia supradicta, nos seu nostri.. successores pro decem marcis Colon.

209

eandem marcam redimendi habebimus liberam potestatem. Ut autem hec firma et inviolata perdurent et a nobis et nostris successoribus inviolabiliter observentur, presentem litteram con- scribi fecimus et nostrorum sigillorum munimine roborari. Actum et datum anno Domini m.cc.xc.vi. vi. idus iulii.