Adolfus Dei gratia Romanorum rex, semper Augustus. Ho- norabilibus et religiosis viris abbati et conventui monasterii in Otterburg, Cysterc. ordinis, devotis suis dilectis, gratiam suam et omne bonum. Regali nostre convenit dignatati, vota fidelium, religiosorum precipue, iuxta Dei placitum et honorem benigna prosequi pietate, et eisdem iusta petentibus et honesta exaudi- tionis gratiam impendere cum effectu. Eapropter, devoti dilecti,

202

vestris iustis postulationibus grato concurrentes assensu, perso nas vestras et monasterium, in quo divino estis obsequio man- cipati, cum omnibus bonis, que in presentiarum rationabiliter possidetis, aut in futurum iustis modis, prestante Domino, po- teritis adipisci, sub nostram et imperii protectionem recipimus specialem. Preterea libertates, domos, curtes, edificia, predia rustica et urbana, grangias, possessiones, vineas, terras cultas et incultas, prata, pascua, nemora, et specialiter in nemore, qui Frangweyde appellatur, usum lignorum et pascuorum pro animalibus vestris, aquas, aqueductus, servitutes quaslibet, iu ra, iurisdictiones et alia omnia bona vestra, sicut ea omnia iuste, pacifice possidetis, privilegia insuper a clare memorie Rudolfo Romanorum rege, antecessore nostro, Heinrico sexto Romanorum imperatore, rege Ottone, Friderico ultimo Roma norum imperatore, suoque filio rege Heinrico, et a quibuslibet predecessoribus nostris, imperatoribus et regibus Romanis, vo- bis concessa, et confirmationes eorundem in universis et singulis suis articulis, ac si teuorem privilegiorum ipsorum ac confirma- tionum de verbo ad verbum presentibus inseri contigisset, prout rite et iuste sunt concessa, vobis et per vos vestro monasterio confirmamus, innovamus et presentis scripti patrocinio commu- nimus. Nulli ergo omnino liominum liceat hanc nostre protec tionis, confirmationis et innovationis paginam infringere, vel ei ausu temerario contraire. Siquis autem fecerit, preter penas privilegiis incorporatis insertas (Heinrici vi. triginta libras auri, dimidium camere imperiali et reliquum passis iniuriam) gravem nostre indignationis offensam se noverit incursurum. In cuius rei testimonium et perhennem memoriam presens scriptum ex- inde conscribi et nostre maiestatis sigillo iussimus communiri. Datum Argentine ш. idus septembris, indictione vi. anno Do mini m.cc. nonagesimo tertio, regni vero nostri anno secundo.