Wie Otto vnd Woldemar, van der gnade godes markgreuen to Brandenborch bekennen vnd bethughen in dessemc jeghenwar- deghen briue, dat wie ghedeghedinghct hebben mit vnseme lieuen om, hertoghen Albrechte van Sassen, also dat he kiesen schal to deine irsten kore des Romeschen koninghes, deine nu irst kiesen schal, so war wie willen. Hirvmrae schölle wie erae gheuen io tome daghe vnd toder nacht tuelf mark Brandenborsches silueres to siner kost. So wanne wie riden tome köre, so schölle wie en beboden, vnd schollen en vpnemen vpp dat ende vnses landes, vnd schollen cn velich vören wedder vnde vort lik vns siluen. Wie schollen och like wegher ene sin an deine rechte des köres, also vnseme oraen, hertoghen Rodolf van Sassen. So wo wie vort vnsen om, hertoghen Albrechte, bedeghedinghen an deme köre vnd vm alle digk1), dat heft he to vns ghelaten. Alle desse deghe- dinghe de schollen stede sin also beschedeliken, dat sie nicht wed der den bischop van Köllen sin. Vpp dat dit stede vnd gansz bliue, so hebbe wie dat vnsem ome, hertoghen Albrechte van Sassen in truwen ghelouet mit teyn ridderen vnd hebben vnsen brif ghegheuen mit vnsen insegehelen beseghelet. Desse brif is ghegheuen vp deme Werbeline na der bort godes dusunt iar, dre- hundert iar, in deme achten iare des mandaghes na sunte Miche- les daghe.

Die anhangenden Siegel der beiden Markgrafen sind beschädigt.