171. Burchardus II electus Wormatiensis canonicos Bambergen- ses rogat, petant ab Ottone I episcopo, ut ad obtinendum episcopatum Wormatiensem se adiuvet". (E 278)

1115? Gonfratribus et dominis suis omnibus sacrosanctae Baben- bergensis ecclesiae canonicis B(urchardus) 3 Dei gratia Worma- tiensis electus servitium suum et orationes.

Memor vestrae fraternitatis et dulcissimae educationis, fra- tres karissimi, recordatione vestri affectus, partim ad lacrimas compungor partim spe vestrae consolationis et sublevationis ve- hementer delector; dum sub hoc onere, quod suscepi tam im- portabile meae etati et insipientiae, vestrum levamen et subsi- dium spero impetrare. Quapropter, quo magis de vobis confido, eo magis ammiror, quod tanto tempore me, filium vestrum vobis per omnia obnoxium, inter tot curas, quae me premunt ut no- stis, consolari distulistis. Et quia inde causa meroris et suspi- cionis mihi suboritur, ideo per fraternam compassionem et no- strum obsequium vos deprecor: utb apud Deum vestris oratio- nibus me iuvetis, et apud dominum nostrum episcopum3 fideli interventu causam meam agatis; scientes, quod in vestrae immo nostrae ecclesiae laudem hoc redundabit, si vestro auxilio no- strum honorem divina benignitas stabilire dignetur. Valete".