In nomine sanctae et indiuiduae Trinitatis. Amolfus diuina fauente gratia Imperator augustus. Si de rebus terrenis a deo omnipotente iure nobis collatis in dei et nostro seruicio laborantibus oportuna loca concesserimus, procul dubio et aeternae retributionis praemia inde a deo nobis uenire liquido credimus et eos omnino deuotiores esse manifestissime credimus. Quapropter omnium sanctae dei aecclesiae fidelium nostrorumque tarn praesentium scilicet quam et futurorum cognoscat industria, quia nos per interuentum uenerabilis ac dilecti episcopi nostri Engilmari cuidam clerico nostro nomine Nithard ob bonae fidelitatis et seruitutis suae mercedem quasdam res ad Abbatiam inferioris Monasterii pertinentes cum consensu et uoluntate dilectae coniugis nostre Odae in proprium concessimus, hoc est in Comitatu Liupoldi Comitis nostri in loco Hartchirihha nuneupato, ut ipse de iam dicta coniuge nostra ibi eatenus in beneficium habere dinoscitur, aecclesiis cum decima, curtilibus, aedificiis, mansis ac mancipiis utriusque Sexus, terris, agris cultis uel incultis, campis, pratis, pascuis, siluis uiis et inuiis, aquis aquarumque decursibus, molendinis, exitibus ac reditibus, quesitis uel inquisitis totum, quicquid ad ipsum beneficium pertinere uidetur, cum omni usu fructuario iam dicto Nithardo in proprium concessimus omnibus diebus uite sue habendum et ut post eius discessum cum omni integritate iterum redeat ad iam dictam dei casam. Et ut hec largitionis nostre auctoritas firmior habeatur et per futura tempora a cunctis fidelibus nostris uerius credatur ac diligentius obseruetur manu propria subtus eam firmauimus et anulo nostro Sigillari iussimus. Signum domini Arnolfi (Monogramma) Serenissimi Imperatoris Augusti. Actum Ratisbonae In dei nomine feliciter. Amen.

Source Fulltext: OÖUB 2 (Wien 1856), S. 44-45