In nomine sancte et individue Trinitatis. Arnolfus divina favente gratia Imperator Augustus. Notum sit omnibus sancte Dei Ecclesie fidelibus tarn presentibus quam futuris, qualiter nos pro eterne salutis adipiscenda mercede nec non per supplicationem Wichingi venerabilis Episcopi cuidam fideli ac religioso prespitero, cui nomen Ellimpreht, tales res, quales hactenus in beneficium in Rantesdorf muneris nostri largitate tenebat, id est capellam, quam nos ibi in honorem Christi et sancti Pancratii a fundamentibus construximus doteque oportuna et ornatu ecclesiastico aecumulavimus, cum omnibus, que modo per preceptum nostrum illuc collata sunt vel in futuro per Dei gratiam collata erunt, integraliter ad proprium diebus vite sue concessimus cum curtilibus et edificiis, famulis et utriusque sexus mancipiis, vineis et vinitoribus, censibus, agris, pratis, pascuis, silvis, cum foresto ad Honhart, aquis aquarumque decursibus, piscationibus, molendinis, viis et inviis, exitibus redditibus (sic), terris cultis et incultis, quesitis et inquirendis, mobilibus et immobilibus universisque appendieiis et adiacentiis suis. Jussimus quidem hoc presens nostre auctoritatis preceptum inde conscribi, per quod decernimus atque jubemus, ut prenominatus honorabilis prespiter ipsam capellam in Rantesdorf consistentem cum pertinentiis suis omni tempore vite sue sub usu fructuario teneat, habeat atque possideat absque ullius persone offendiculo Ea videlicet ratione, ut eadem capella cum universa integritate sua post obitum ipsius ad sanctum Philippum Apostolum, cuius sacratissimum membrum in villa Otinga venerabiliter humatum est, in memoriam patris nostri Carlomani regis, qui ibidem corporaliter requiescit reconditus, nec non pro remedio anime nostre convertatur Ita, ut sub jure ottingensis Ecclesie perenniter consistat provisorumque illius. Et ut hoc preceptum melius credatur diligentiusque nemine irrumpente in perpetuum conservetur, manu nostra subtus id roborantes anulo nostro jussimus insigniri. Signum Domini Arnolfi (Monogramma) Imperatoris Augusti. Engelpero Notarius ad vicem Diotmari Archi-Capellani recognovi. Data sunt hec anno Domini DCCCXCVIII. XVI. Kal. Nov. Indictione II. anno XI. Regni Arnolfi Regis, Imperii autem eius III. Actum ad Regina civitate in Dei nomine feliciter. Amen.

Source Fulltext: OÖUB 2 (Wien 1856), S. 43-44