In nomine sancte et individue Trinitatis. Arnolfus divina favente Clementia Imperator Augustus. Si igitur locis Deo dicatis oportuna exhibuerimus suffragia, mansura nobis a Deo (omnium) remuneratore impertiri liquido credimus gaudia. Id circo cunctorum Christiane religionis presentis scilicet temporis et futuri noverit sagacitas fidelium, qualiter nos divino compuncti amore, intercedentibus quoque Wichingo Venerabili Episcopo et Isengrimo (Isangrimo) illustri comite ministerialique nostro ad capellam, quam in loco Ranshoven (Rantesdorf) Domino et sancto Pancratio martiri suo a fundamentis construximus, de terra jugera duo prope curten (Curtem), in qua eadem constructa cernitur Ecclesia, orientali parte extra parietem coniacentia ad comodidatem ipsius loci et servorum Dei ibidem divina persolvencium ofiicia perpetuo jure ad proprium concessimus. Similiter etiam molendinum unum attenus (hactenus) ad opus nostrum pertinens in ripa fontis de Pruele (Pruolo) parietibus circumsepto decurrentis constructum et in foresto adiacenti videlicet in Wilhart succisionem lingnorum (lignorum) tarn ad ediflcia construenda quamque ad focum nutriendum, prout ipsi loco sufficere videtur, Et de feno secundo (secando) ad carradas viginti (XX.) Idemque in altero foresto Honhart (Hohinhart) et mutuoque (in utroque) saginacionem porcorum absque ulla districtione provisorum eidem contulimus Ecelesie pro remedio parentum nostrorum et anime nostre liberatione. Et jussimus hoc presens largitionis nostre preceptum inde conscribi, per quod decernimus atque omnino (omnimodo) precipimus, ut hec donatio nostra stabilis nostris futurisque temporibus nullo inquietante sed Deo oppituante perseveret, quatinus divina laus et nostre orationis instantia nunc et in perpetuum augmentetur atque incessabuiter frequentetur illic. Et ut hec auctoritas nostra firmiorem in Dei nomine obtineat stabilitatem in eternum, manu nostra subter eam roborantes Anuli nostri impressione iussimus sigillari. Signum domini Arnulfi Imperatoris. (Monogramma.) Engelpero (Engilpero) notarius ad vicem Wichingi Episcopi recognovi. Data (Datum) Nonis Februarii anno Domini DCCCXCVIIII. Indictione IIa (V.) anno XII. Arnolfi Regis, Imperii autem eius III. Actum in Regenespurch in Dei nomine feliciter. Amen.

Source Fulltext: OÖUB 2 (Wien 1856), S. 45-46