In nomine sanctae et indiuiduae trinitatis Ludewicus diuina favente gratia rex. Notum sit omnibus sanctae dei ecclesiae fidelibus nostrisque praesentibus et futuris, quomodo nos ob aeternae mercedis retributionem et per obtentum fidelium nostrorum Sigihardi scilicet comitis, Regimberti atque Isimgrimi ministerialium nostrorum cuidam homini nomine Zwetboch dilecti propinqui nostri Liupoldi videlicet marchionis vasallo in valle, quae dicitur Oliuspespurk (in) comitata Arbonis inter tria loca Staicholfesdorf, Adalpoldesdorf et Wichartesdorf nuncupato hubas V. cum consilio procerum nostrorum consentiente etiam praefato Arbone iure perenni concessimus in proprictatem cum curtibus et aedificiis, campis, agris, pratis, pascuis, silvis, aquis aquarumque decursibus, molinis (molendinis), piscationibus in Chreimsa, viis et inviis, exitibus et reditibus, quaesitis et inquirendis, mobilibus et immobilibus oranibusque appendiciis et adiacentibus suis. Jussimus itaque hoc praesens auctoritatis nostrae praeceptum inde conscribi, per quod decernimus atque omnia praecipimus, ut praefatus Zwetboch tempore perpetuo iure firmissimo ex (sic, exinde?) ipsis donationis nostrae rebus utatur potestate habendi, donandi, vendendi, commutandi yel quidquid sibi exinde placuerit faciendi absque ullius successoris nostri impedimento, et ut haec largitionis nostrae auctoritatis (auctoritas) inviolabilem in Christi nomine per cuncta labentis mundi curricula obtineat stabilitatem et a fidelibus nostris verius credatur ac diligentius obseruetur, manu nostra subtus eam firmavimus et annuli nostri impressione sigillari jussimus. Signum Ludewici Serenissimi Regis. Engelspero (sic) notarius ad vicem Diotmari Archicapellani recognoui. Data VI. Kalendas Octobris Anno incarnationis domini DCCCCIII. Indictione VII? Anno vero IV. regni domni Ludowici regis. Actum apud Alpase in dei nomine feliciter. Amen.

Source Fulltext: OÖUB 2 (Wien 1856), S. 51-52