In nomine sancte et indiuidue trinitatis. Utilis olim in sancta inolevit Ecclesia usus complacitationis, id est, ut nobiles quique et religiosi uiri ad augmenta sanctarum Ecclesiarum dei suas res proprias traderent et ab episcopis seu abbatibus per conscriptionis auctoritatem testiumque confirmationis ecclesiasticas res acciperent, sibi in ius et proprietatem sub usu fructuario usque in finem uite illorum tenerent atque possiderent. Post finem uero uite illorum ipse proprietates unacum ipsis ecclesiasticis rebus ad proprias redirent ecclesias, que utilissima consuetudo usque hodie in sancta perseuerat ecclesia. Quapropter notum esse volumus omnibus sancte dei ecclesie, presentibus scilicet et futuris, qualiter ego Burchardus patauiensis ecclesie presul et Madaluinus choriepiscopus eiusdem sedis in ipsa urbe et in ecclesia sancti Stephani prothomartyris consedentes publicamque synodum tenentes multisque laycis tam Comitibus quam ceteris nobilibus iuris presentibus quandam complacitationem inter nos fecimus et perpetualiter confirmauimus. Tradidit namque prefatus Madaluinus in manum nostram et in manus aduocatorum nostrorum Ratolfi et Alperici totum apparatum suum, id est, sicut ipse paratus ad missam solitus fuerat stare, pluuiale purpureum auro paratum, Casulam purpuream, Siricam de sirico precioso, Stolas II. cum anfanone auro et gremmis paratum, plenarium IIII. ewangeliorum, epistolare I, Librvm sacramentorum, in quo continentur benedictiones ecclesie et benedictiones sacrorum ordinum et cetera omnia, que ad ipsum ministerium episcopi pertinent, Gra(u)ale et nocturale bene notati, predicationes per anni curiculum, Collectarium ab initio XLe (Quadragesime) usque in pascha super omnia cottidiana euuangelia, Tractatum Albini super IIII. ewangelia, canones de diuersis conciliis et de capitularibus Karoli ceterorumque Regum, epistolas pauli et VII. epistolas canonicas bene glossatas, passionale de Natale domini usque ad missam sancti Johannis, Aliud passionale de missa sancti Michahelis usque in pascha, vitain sancti Martini et Dyalogos seueri de miraculis, que fecit, Comp(u)tus cum Cyclo pleno, Vitam sancti Seuerini confessoris et explanatio in regum, Liber penitentialis et lex bawariorum [50] et francorum et alemannorum in uno corpore, De Arte Gramatica, Donatum minorem et maiorem et opus Albini in Donatum, Gramatica augustini vide infra igitur uel Jeronimi, quod fecit deodato filia augustini, Opus Bede presbiteri de metrica ratione, Opus Malii teodori de ipsa arte, Opus orosii de ratione anime, Opus Cassiodori oratoris de disputatione anime, opus boetii de consolatipne philosophie bene glosatum et opus ipsius de diuiduitate idem apoteosis, Libros martiani minnei felicis capelle pleniter in VII. liberales artes, Carmen paschale sedulii in uetus et nouum testamentum cum prosa ipsius, Carmen artoris subdiaconi in actus apostolorum et libri Catonis IIII.. et fabule auieni etplanti, aularia et formatas epistolas et martyrologium metro compositum et opus Wan Dyaconi in ministerium celebrationis misse et explanatio in Genesis in uno corpore, Epigramata prosperi et psichomachia prvdentii, Enigmata simphosii et Althelmi et Joseppi et libros bestiarum ysiodori, in uno corpore decem egloge et georicon Yirgilii, Liber seruii plenissimus in totum virgilium, liber officiorum et martirologium uersibus conpositum et expositio in genesis. Summa vero omnium librorum est L. et VI. libros. Insuper tradidit ei proprietatem, quam ei rex Arnolfas per preceptum donauit, in comitatu arbonis Comitis in loco, qui dicitur wolueswanc, cuius terminus ab oriente usque in Fluuium urulam, et proprietatem Hagewolui ab occidente usque in siluam Anesi Fluminis et in Fluuium, qui dicitur bachinlia, ab aquilone in marcam sancti Stephani et a meridie in proprietatem anionis. Hanc marcam cum omni integritate tradidit ad sanctum Stephanum excepta hoba salica I, quod puozo quondam ibi habere uisus fuit. Insuper in panonia in loco, qui dicitur liliunprvnno, hobas salicas nouem, quas ei Arnolfus rex tradidit. Econtra vero accepit de manu nostra et predictorum causidicorum nostrorum omnia beneficia sua, que ipse ad manum suam et homines sui in beneficio eo eodem die habebant in omnes pagos idem in quinzwingowe, in sutinahgouue, in rotahgouue, in trungouue et ultra montem Comagenum ad nominichha et ad medilichha. Hec omnia sibi in ius et proprietatem usque in finem uite sue possidenda tradidimus atque confirmauimus Exceptis hiis locis, quos (sic) ipse ipso die in eodem Synodo nobis sponte dimisit, id est curtem ad loochum, IIII.. locis illuc pertinentibus et ecclesiam baptismalem ad heurtteswanc cum omnibus locis illuc pertinentibus Exceptis scilhara et prama. Cetera omnia loca sua, que ipso die in sua potestate habere uisus [51] fuit, cum omnibus pertinentiis et adiacenciis eorundem locorum, id est cum ecclesiis et decimis vniuersis, cum curtibus et edificiis, cum mancipiis utriusque sexus et omnibus mobilibus et inmobilibus, quesitis et inquirendis sub usu fructuario usque in finem uite sue securiter tenere et possidere ei tradidimus sine ullo censu et inquietudine, Post finem vero uite sue ut Wolfhardus eius cognatus, qui cum ipsam traditionem fecit et accepit, illo loca omnia, que quinzingowe habuit, sub eadem ratione et confirrnatione ipse teneat atque possideat ad seruitium dei et sancti Stephani usque in finem uite sue. Post finem vero uite illorum amborum omnia ab eis tradita et accepta cum omni integritate ad sanctum Stephanum perpetualiter manenda redeant. Hu sunt testes ex utraque parte eiusdem conplacitationis per aures tracti: Waltilo Comes, Chadalkoc Comes, Willipret, Engilmar, Adalfrid, Adaiger, Engilpalt, Gotapreht, Quuinipreht, Engilscalc, maihelm, vswart, Ererich, Haidanrih, Otahchar, Weto, Gerhart, Item Gerhart, puopo, ermpreht, Walto, ermpreht, Altman, Fricho, Teuit, Echo, engilpern, Diotrih, Vtto, Riheri, Amuzi, Reginolt, Ruodacher et filius Holperht, Kerolt, Diopreht filius Ratolfi iunioris, eigel, alprich, Golscalh, Ecco, Williport, Volchart, Rihguowe, papo, herualh, woluolt, pernum, Raffolt, Adalrch, Herich, Hadagis. Acta est hec confirmatio conplacitationis in Vrbe Patauia VI. Idus Septembris anno ab incarnatione domini DCCCCHIII. Indictione Secunda anno Tercio Hludouuici Regis.

Source Fulltext: OÖUB 2 (Wien 1856), S. 49-51