(Chrismon.) In nomine sancte et individue Trinitatis. Heinricus divina favente clemencia rex. Si de terrestrium rerum facultatibus nobis divinitus collatis ecclesias dei locupletare sub obtentu future remuneraeionis studuerimus, decursu huius vite agone bravio indeficienti nos coronari non diffidimus. Quapropter generaliter omnium pateat industrie, qualiter nos interveniente dilecta coniuge nostra Chunegunda videlicet regina quoddarn nostri iuris predium Slierbach dictum in comitatu Rapotonis situm, in pago vero Ouliupestale Juvavensi ecclesie, ubi sanctus Roudbertus corporaliter requiescit, pro redemptione anime nostre dilecteque coniugis per hoc regale testamentum donando firmamus cum omnibus appendiciis et utilitatibus eidem predio adiacentibus, cum familia utriusque sexus, cura areis, edificiis, terris, cultis et incultis, viis, inviis, exitibus et reditibus, aquis aquarurave decursibus, molendinis, piscacionibus, silvis, venacionibus, pratis, pascuis, compascuis sive apium pascuis nec non cum omnibus, que dici vel scribi possunt, quoquolibet modo utilitatibus. Praecipientes ergo regali auctoritate iubemus, quatenus Juvavensis ecclesie venerabilis archiepiscopus Hartvvieus suique successores liberam dehinc habeant potestatem possidendi, edificandi, commutandi, praecariandi seu quiequid ibi libeat omnimodo ad utilitatem monasterii de eodem predio faciendi. Et ut hec nostre tradicionis auctoritas stabilis et inconvulsa permaneat, hanc cartam inde conscriptam manu propria roborantes, sigilli nostri impressione insigniri iussimus.||
Signum domni Heinrici (Monogramma) Regis invictissimi. Eberhardus cancellarius vice Willigisi archicapellani recognoui et subscripsi. Data VII. Idus Decembris Indictione III. Anno dominice incarnacionis Millesimo V. Anno vero domni Heinrici secundi regnantis V. Actum Merseburch feliciter. Amen.

Source Fulltext: OÖUB 2 (Wien 1856), S. 71-72