Precaria seu Complacitatio Domnae Chunigundae Imperatricis Augustae atque Venerandi Egilberti Frisingensis Ecclesiae Episcopi. Anno Dominicae Incarnationis Millesimo Vicesimo quinto Summae Divinitatis miseratione provisum est, ut pia Deoque amabilis Domina Chunigunda Imperairix Augusta ob amorem coelestis desiderii atque ob recordationem Divae memoriae Senioris sui Heinrici Imperatoris Augusti nec non ob quoddam vitae temporalis emolumentum cum consilio gloriosi Ducis Bajoariorum Heinrici scilicet fratris sui cunctorumque procerum et Optimatum comitumque Bajoariae provintiae ac Judicum quaedam sui juris praedia Rantersdorf sive Ranteshova, Hohperchach, Ostermuntinga, Veltchiricha nominata traderet in manus Venerandi Egilberti Frisingensis Ecclesiae Episcopi et Advocati sui Uodalscalchi cum Ecclesiis ac decimis, cum foresto Willinhart ac forestariis, cum terris cultis et incultis, mancipiis utriusque sexus, vineis, molendinis et cum omnibus juste et legaliter ad ea pertinentibus, exceptis tantum quinque servilibus mansis cum pratis ad eosdem rite pertinentibus in beneficio Bezelini sitis, quod nuncuptar .....et quinque servis cum quatuor ancillis, quibus ipsum beneficium tunc temporis erat possessum, quod videlicet beneficium ea lege, ut dictum est, ipsa Domna Imperatrix Augusta tradidit in proprium Uxori praefati Bezelini absque Venationibus et saginationibus ac sine lignorum incisionibus in foresto jam dicto. Excepit etiam memorabilis Imperatrix Camerarium unum Azili nominatum absque beneficio sui (sic) et famulas duas Peza et Raza nominatas. Insuper etiam Imperatrix Augusta tradidit eidem Episcopo, quidquid visa est habere in loco Hal dicto cum utriusque sexus mancipiis, aedificiis, terris cultis et incultis, sartaginibus ac locis sartaginum ac locis onustariis Witevendin censalibus et cum omnibus jure et legaliter ad ipsam Salinam respicientibus atque cum omnibus rebus, quas visa est habere supra fluvium Sala nominatum, ea videlicet ratione, ut ipsa venerabilis Domina, quamdiu Deo ordinante viveret, .... res omnes supra memoratas in integrum possideret. Post discessum vero vitae mortalis pro elemosina piae memoriae Domini sui Heinrici Imperatoris adoptato quoque propriae animae remedio ad altare S. Marias semper Virginis Sanctique Confessoris Christi Corbiniani Frisingae corporaliter quiescentis, in jus videlicet atque dominium egregij Antistitis Egilberti Successorumque suorum lege precaria refunderentur. Testes: Gerolt Comes, Fridirih Comes, Arnolt Comes, Hartvvic palatinus Comes, Adalpero Comes, Tiemo Comes, Poppo Comes, Piligrim Comes, Altman Comes, Item Gerolt Comes, Gtmspolt Comes, Heinrih filius Tiemonis comitis, Peraholt filius Friderici comitis, Gerolt filius Geroldi comitis, Sarhilo filius Sarhilonis comitis, Gerolt, Maganus, Gamanolf, Albrih, Item Gamanolf, Helmperht, Hartvvic, Ekkihart, Luitolf.

Source Fulltext: OÖUB 2 (Wien 1856), S. 79-80