C. In nomine sancte et indiuidue trinitatis O^udalricus dei gratia patauiensis episcopus cunctis successoribus suis et omnibus inposterum fidelibus in perpetuum Episcopalis prouidentia et pastoralis sollicicitudo (sic) conpellunt nos religiosis et deo sacratis locis non solum in presenti favere, sed etiam in futurum eorum quieti et securitati, ne inproborum peruersitate ledi aut perturbari ualeant, quantum diuina conceditur clementia, prouidere, quatenus nobis et cunctis fidelibus ex orationibus inibi deo seruientium tanto copiosior fructus accrescat, quanto eis ad uacandum deo nullius perturbationis inprobitas obsistere presumat. Quapropter monasterium a sanctissimo predecessore nostro huius sancte sedis episcopo Altmanno in honore beati Andree apostoli et s. Pantaeleymonis martiris et beati Nicolai confessoris adiuuante et cooperante beate memorie Agnete imperatrice in portu eni fluminis fundatum et apostolicorum uirorum Alexandri et Gregorii Paparum nec non et Heinrici regis huius nominis quarti priuilegiis et sigillis roboratum, sed peccatis facientibus iam diu ab aduersariis destructum adiuuantibus et collaborantibus filiis nostris O^udalrico scilicet preposito et Manegoldo decano ceterisque religiosis uiris ibidem deo seruientibus, quantum potuimus, superna prosperante gratia reparauimus atque ut inconuulsum et illibatum omni futuro tempore permaneat, deo patri sanctisque eius flectere genua precibus et suspiriis non cessamus. Non minore enim remuneratione reparatorem ditari quam fundatorem confidimus. Omnia itaque bona, que eidem monasterio prefatus episcopus et prenominata imperatrix augusta in conmunem usum fratrum inibi regulariter conuersantium longe vel prope, culta seu colenda, quesita siue querenda tradiderunt, nos quoque stabilimus et firmiter semperque tenenda decernimus et constituimus. Sunt autem hec inprimis, que prenominata imperatrix augusta pro remedio anime sue donauit, nona uidelicet pars omnium, que ad bersinpiugin et ibisiburch ad manus suas culta reddebantur. Que uero sequuntur, per manum aduocati sui Reginberti prefatus episcopus illuc tradidit, scilicet presignatum portum fluminis eni cum omni utilitate sua, eeclesiam S. Marie magdalene dimidio manso dotatam, in suburbio uero ciuitatis XI. domata et quicquid ruris est a danubio usque ad enum, preterea duo iugera, insuper duas stabularias curtes semptilingen et niuwenhouen cum omnibus pertinentiis suis, ad tantobil dimidium mansum, ad Holzheim IV. ho^ubas, ad Hegibach I, ad Probestriut I. uasa tornata soluentem, I. houesacham ad winedeberch, I. h/uobam ad steinuelt, I. ad sunnenbach, I. ad binizheim, unam houesacham in loco, qui dicitur alburch, et duas partes decimationis eiusdem ecclesie cum una ho^uba, ipsam uero ecclesiam nos pro concambio sagene, que est in loco, qui dicitur mathse, illuc tradidimus. Dedit etiam III. ho^ubas ad ahafeckingen soluentes ferrum, I. molendinum ad ufhusen et ad rongerisdorf I. curtim, ad ebechendorf I. cum ho^ubis illuc pertinentibus, ad pazrichesdorf I., in enzenwis cum genezeo et molendino, siluis, pratis, piscationibus et omni utilitate sua, I. houesacham ad wachenwis, I. ad cholenprunnen cum omnibus ad eas pertinentibus, I. houesacham gerichwis cum I. ho^uba, III. carradas cereuisie de bonis episcopi in eadem uilla, ouenchirchen cum decimatione et I. ho^uba altheim cum sua utilitate, ecclesiam, que dicitur eitenbach, cum seruitio, quod episcopo soluebat, dimidiam ho^ubam ad filschouen, II. ad cho^ufaren, III. ad percheim, I. ad huchinchouen, I. ad habechesbach, I. ad walda soluentem picem et auenam, I. decimationem in parrochia Hotaren et ad chelcberch et ad iersheim, II. partes decimationis ecclesie, que dicitur heimingin, cum I. manso. Tradidit etiam II. partes decimationis noualium silue, que dicitur hohenhart, tam cultorum quam colendorum in illis ecclesiis, quarum termini in eandem siluam ex inferiori parte porriguntur, quarum ista sunt nomina: eberiswanch, sciltarin, aspach, uechelsdorf, quas partim a heremanno babinbergensi episcopo iure sinodali cum decimatione aliarum XII. ho^ubarum optinuit partim, ut in proprio episcopatu nemine contradicente dedit. Donauit etiam ecclesiam, que dicitur griezchirche, cum I. decimatione, ad allenchouen I. ho^ubam cum decimatione, I. houesacham ad eusta cum IV. mansis, dimidium mansum ad pr/ule ad usum apum, dimidium ad to^unheim, unam decimationem ad ro^utprehtishouen, I. ho^ubam ad chaltenbach. In Oriente I. decimationem ad rusta, unam ad Zo^untes, I. ad hohenwart. In rure, quod dicitur biuga, II. partes decimationis, ad mutaren I. ho^ubam, ad widach I. Dedit etiam III. sagenas I. sebach, I. patauie, I. mathse. In loco qui dicitur hal, I. sartaginem cum suo iure. Ad sebach III. uineas, ad aschaha II, ad sibbach I, ad liumendingen II, ad sconenpuhel II, ad liuben II. ad wachowa IIII., ad mutarin I, ad huntisheim I. Ad luminaria ecclesie dedit capellam S. Marie in ciuitate lauriacensi. Ad eadem etiam luminaria dedit Perinhardus de sconheringen quandam partem de censu nauium. Pro uestitu autem ordinauit XXIV. libras, decem de nauibus patauie, VI. de goldarewerde, IIII. de efridingen, III. de censu mathse, I. de ufhusen. Sunt etiam quedam, que alii fideles pro remedio animarum suarum prefate tradiderunt ecclesie: Quidam nobilis homo nomine Hezil tradidit peringen et richeresdorf cum I, molendino. Quedam matrona nomine Azala I. ho^ubam ad bo^uch, Domnus Adalram petente Aschwino I. houesacham ad walgisingen, Quidam sacerdos nomine Raffolt predia, que habuit in duobus locis sunnenbach et purchardingen cum familia, Theoderichus aduocatus unum predium, Ermenrich unum predium cum molendino ad breitenbrunnen, comes Gebehardus scalcheim cum pertinentiis suis, Gebehardus cognomento longus I. predium ad bochingen, Meingoz sacerdos I. predium ad sunemanningen, Adalram de aschaha I. predium ad wurgildorf, Quidam nobilis homo nomine Meginhart pollenheim smidingen cum aliis prediis suis, quorum quedam pro aliis utilioribus conmutata sunt, Quidam Gerhohe I. predium ad chrebezbach, Quidam sacerdos nomine Ekkerich I. predium ad Hartheim cum duabus uineis, secundum ad bo^usingen, tercium ad rute, Quedam matrona nomine Richinza dedit II. uineas ad imizinesdorf et dimidium mansum ad ruste, Quam traditionem postea nepos eius Ratpoto firmauit. Hec inquam omnia et quecunque etiam innominata bona idem monasterium uel nunc liberalitate predictarum personarum iure possidet uel in antea iuste et canonice deo fauente poterit adipisci, nostri precepti tuitione et sigilli inpressione firmamus et corroboramus eo scilicet tenore et conditione, ut ad communem usum fratrum ibidem deo famulantium proficiant et communiter regulariterque conuersantes nullus seu in presentiarum uel in crastinum de bonis ecclesie proprio vel priuato usui quicquam presumat usurpare, sed iuxta apostolice institutionis normam, prout cuique opus erit, a prelatis distribuatur. Ut igitur hec omnia firma et illibata permaneant, iudicio dei patris omnipotentis et filii et spiritus sancti et auctoritate beati Petri apostoli eiusque uicarii Paschalis pape et fiducia et consolatione beati Andree apostoli et sansti Pantaeleymonis martiris et pii confessoris Nicolai, amore etiam reverende memorie Altmanni episcopi interdicimus et prohibemus, ut nullus successorum nostrorum seu aliqua secularis uel ecclesiastica persona de nominatis prefate ecclesie prediis inuadere aut diminuere uel usui fratrum apostolica inibi uestigia seruantium subtrahere presumat. Si quis autem, quod deus auertat, ausu nefario hec transgressus fuerit, si tercio conmonitus congrua satisfactione non emendauerit, anathematis laqueo se irretitum et cum Juda pessimo mercatore partem habiturvm indubitanter agnoscat. Conseruantibus autem pax et misericordia in presenti et futuro seculo seruetur. Amen.

Source Fulltext: OÖUB 2 (Wien 1856), S. 130-133