In nomine sancte et indiuidue trinitatis. Notum esse uolumus omnibus tam future quam presentis etatis fidelibus, quomodo Piligrimus de wenge homo über et Wezilo ministerialis comitis adalberti de Rebegowe pontem vechelahe pecunia redemptum ab eodem comite Adalberto et ab omnibus, qui aliquid iuris siue potestatis in supradicto ponte habere dicti sunt, in honorem saluatoris et sanctissime dei genitricis Marie et beatorum Apostolorum Petri, Jacobi sanctorumque Leonhardi et Egidij et omnium sanctorum super altare sancti Ro^udberti legittima delegacione et potestatiua manu tradiderunt presente et coniuente venerabili sancte Salzburgensis ecclesie archiepiscopo Cho^unrado et tali pacto iam dictam delegacionem stabiliente, ut ad huius loci prelatos pertineat cura prefati pontis a quolibet inpugnatore et contradictore spirituali seu materiali gladio defendendi, Quin etiam eodem beato Archiepiscopo omnes huius rei sanctiones infirmare et conuellere peruersa inalignitate conantes anathematis terrore horribiliter feriente. Ceterum ut taliter sanccita delegacio posteritati credenda, tenenda et a nullo conuellenda transmitteretur, ex uiris illustribus tam ingenuis quam ministerialibus tunc presentibus subnotati et conscripti sunt testes: Otto de purchstal, wisint de pinzgowe, wolfram de luenstetin, Heinrich de Sechirchen, Heinrich de Hegilin, Megingoz de Surberch, Liutolt de Haberlant, Pilgrim de Surheim, Adalpreht de Cezheresperch, Wolfram de Offenwanch, Hartnith de vzelingen. Data IIII. Kalendas Septembris anno dominice incarnacionis m.c.xxxiiij jndictione XII. anno Lotharii regis VIII, Cho^unradi archiepiscopi XXX.

Source Fulltext: OÖUB 2 (Wien 1856), S. 174