In nomine domini Reginberius dei gratia patauiensis episcopus salutem in christo christi fidelibus. Pastoralis cure sollicitudo exigit dominicas oues petro primum et in petro pastoribus conmissas cum omni diligentia pascere, regere, conseruare et sicut lupos a stabulis ita raptores ecclesiarum arcere a rebus ecclesiasticis. Huius rei gratia frater Adelbertus S. Nycolai uenerabilis prepositus ecclesie sue priuilegia ab Altmanno et O/odalrico patauiensis ecclesie uenerabilibus episcopis instituta legenda nobis obtulit eaque nostra auctoritate contra nouas ecclesiarum calumnias renouari conmuni fratrum peticione postulauit. Nos illius et fratrum nostrorum iustis peticionibus consensum adhibentes, quecunque nostri antecessores et piissima imperatrix Agnes ceterique fideles predicto cenobio pia deuotione contulerunt uel adhuc conferenda sunt, nos quoque eollata et nunquam auferenda esse censemus, quicquid antecessores nostri apostolico et sue auctoritatis banno confirmauerunt, nos idipsum apostolico nostroque banno confirmantes ab illorum sententia non dissentimus. Notandum vero et memorie conmendandum est, inter nos et predictos fratres facta esse tria concambia, primum ad Allinchouen ab antecessore nostro Reginmaro episcopo inceptum sed per nos confirmatum, ubi pro tercia parte decimarum, que sacerdotis erat, eis concessa nos ab eis duas decimarum partes recepimus in ecclesia uidelicet, que diuersis appellatur nominibus: Rotprehteshonen, Chameripha, Niuwenchirchen. Secundum concambium est iuxta S. Seuerinum in riuulo, qui uocatur Poutera, ubi pro molendino et ad molendinum pertinente loco dimidiam hobam ad O/otenchinden, sicut Heimo possederat, recepimus. Tercium concambium in Orientali plaga factum est ad Swarzaha, cuius loci ecclesiam a nobis consecratam cum dote, decimis, terminis, cum omni utilitate sua S. Nycolao in usus canonicorum contulimus recipientes in conmutatione theloneum patauie, quod eis persolui debuerat de nauibus, cum quibusdanv areis ad Euerdingen collocatis. ||
He transmutationes, ut legaliter fierent, facte sunt presente comite Dietrico fratrum aduocato et easdem traditiones nobis inuicem stabili tenore dantibus et accipientibus, presentibus etiam in testimonio nostris fidelibus, nomina quorum inferius subscripta sunt. Quisquis ergo contra decreta paparum, patrum nostrorum et nostra uenire temptauerit, quisquis predictos fratres per uiolentiam inquietare, bona eorum auferre, deuastare uel minuere ausus fuerit, nouerit se uinculo anathematis alligatum et nisi per penitentiam resipiscat, cum tenebrarum principe eternis tenebris esse deputandum. Et ut nostre tuitionis auctoritas nota omnibus rata et futuris temporibus inconuulsa permaneat, et hanc presentem paginam in testimonium conscribi et sigillo nostro fecimus eam assignari. Data est patauie anno incarnationis dominice MCXLIV. indictione VI. II. Nonas Maii Apostolice sedis Innocencio Papa, Regnante Rege Chonrado. Testes, qui interfuerunt concambiis, isti sunt: Cho^enrat de Sunnelburch, Reginbreht de Celkingen, Hademar de Choffaren, Manegolt de Wesene et filius eius Marchwart, Siboto de Borrinheim, Odalrich de Holzhusen, Otto prepositus, O/odelscalch, Siboto de mathse, Rodiger, Eberhart, Friderich, derich, Odalricus. Hec est terminatio, que facta est ad Swarzaha: Per ascensum Steinbach usque ad fontem Gotenbrunnen et inde per directum usque ad riuum Ispira et per meatum eiusdem riui usque ad Tessen. Hinc inde usque ad laembach superiorem et inde inferiorem laembach et per descensum huius aque usque Griezstich. Inde per directum usque ad uillam, que dicitur Enzimanneswaithouen et inde per directum usque ad uillam, que dicitur prukke, et a prukke usque ad Marbach inferius Rapotenrote et per descensum huius aque usque ad uillam erlaha inferiorem et inde iterum ad Steinbach primitus nominatum. Hec terminatio facta est consultu clericorum et laicorum, qui aderaut, scilicet Chadelhohus prepositus S. Stephani patauie, Adalbertus prepositus S. Nycolai, Lodigerus prepositus S. Georgii, Hoholdus prepositus maioris ecclesie frisingen, Altmannus archipresiter Ratisponensis, Helmbertus et Otto et Almarus Capellani. Dietricus comes, Erchenbreht de Mosebach, Otto deMachlant, Rapoto de Sliphingen, Manegolt de Wesene, Hartmot, Walchon de Marcinro^ete et filius eius Walchon, Siboto et Wecil ministeriales S. Stephani, Ozo de Stritwisen, Sigelohus et filii eius de Pirboumen, Sizineus.

Source Fulltext: OÖUB 2 (Wien 1856), S. 213-214